Samfélagsmiðlar

Þess vegna prumpa flugfarþegar meira

Danskur prófessor útskýrir hvaða áhrif það hefur á magann og þarmana að ferðast um í háloftunum. Að tyggja tyggjó gerir illt verra

flugvel um bord chris brignola

Vélin fer á fleygiferð eftir flugbrautinni, mótorhljóðin magnast og loks tekur þotan á loft. Farþegarnir þrýstast að stólbakinu og akkúrat á þeirri stundu er hætt við að margir leysi vind í meiri mæli en almennt gerist á jörðu niðri.

Ástæðan er sú, að sögn danska prófessorsins Ole Bækgaard Nielsen, að loftið í meltingarveginum eykst þegar loftþrýstingurinn lækkar, líkt og gerist í farþegarýminu þegar flugvél hækkar flugið. Ef loftþrýstingurinn minnkar um helming þá tvöfaldast loftið í maganum útskýrir prófessorinn í viðtali við Politiken.

Að minnsta kosti fjórtán sinnum á dag

Í grein danska blaðsins kemur einnig fram að notkun á tyggigúmmí auki vindgang. En margir flugfarþegar tyggja tyggjó til að minnka líkurnar á hellum. Það má því leiða að því líkum að þeir sem það gera séu sérstaklega skæðir sessunautar um borð.

Á Vísindavef Háskóla Íslands kemur fram að það sé eðlilegt að leysa vind 14 til 23 sinnum á dag. Þeir sem eru í efri mörkunum prumpa því að jafnaði á klukkutíma fresti. Það þýðir að minnsta kosti þrisvar sinnum á leiðinni frá Keflavík yfir á meginland Evrópu og sennilega ennþá oftar miðað við kenningu danska prófessorins um aukin vindgang í háloftunum.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …