Samfélagsmiðlar

Áherslubreytingar hjá WOW air í vetur

Forsvarsmenn WOW air ætla að lengja ferðatímabilið til Spánar fram í byrjun vetrar og fjölga ferðunum til Parísar á kostnað umferðarinnar til Kaupmannahafnar og London.

Það var boðið upp á allt að fjörtíu flug í viku frá Keflavík til höfuðborgar Bretlands í vetur. Lét nærri að fjórða hver vél sem tók á loft í Keflavík tæki stefnuna á flugvellina í nágrenni við London. Icelandair stóð fyrir helmingi ferðanna, WOW air bauð upp á þrettán flug í viku og easy Jet flaug daglega.

Breska félagið fækkaði svo ferðunum í vor og sumar en mun aftur bjóða upp á sjö flug í viku eftir áramót. WOW air mun hins vegar fækka sínum ferðum til Gatwick úr þrettán í viku niður í tíu. Icelandair heldur sínu striki og flýgur tvisvar á dag til Heathrow og fimm til sex ferðir í viku til Gatwick.

Sjaldnar til Kaupmannahafnar en oftar til Parísar

Síðustu ár hefur aðeins verið samkeppni um farþega á leið til höfuðborgar Frakklands á sumrin en á því varð breyting í vetur þegar WOW air flaug þangað tvisvar í viku. Félagið hyggst halda vetrarfluginu til Parísar áfram og fjölga ferðunum um eina.

Á sama tíma dregur WOW air úr framboði sínu á flugi til Kaupmannahafnar. Í stað tíu ferða í viku verður aðeins boðið upp á morgunflug alla daga vikunnar. Líkt og Túristi greindi frá nýverið hefur Icelandair aukið markaðshlutdeild sína í flugi til höfuðborgar Danmerkur umtalsvert síðustu ár. Útlit er fyrir að svo verði áfram miðað við þessar breytingar á áætlun WOW air. Þó ber að hafa í huga að forsvarsmenn norska lággjaldaflugfélagsins Norwegian hafa íhugað að hefja flug milli Keflavíkur og Kaupmannahafnar.

Í ár mun WOW air fljúga til Barcelona fram í lok október og til Alicante til enda nóvember. Hingað til hefur áætlunarflug til meginlands Spánar lagst af snemma á haustin. Að sögn Svanhvítar Friðriksdóttur, upplýsingafulltrúa WOW air, verður félagið áfram með þrjár vélar á sínum snærum yfir vetrarmánuðina.

 

TILBOÐ Á GISTINGU Í BERLÍN OG KAUPMANNAHÖFN

NÝTT: FRÖNSK FJÖLL OG SVISSNESKAR SVEITIR
BÍLALEIGA: GERÐU VERÐSAMANBURÐ Á BÍLALEIGUBÍLUM

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …