Samfélagsmiðlar

Fín hótel á niðursettu verði

Það eru ekki bara flugfélög og ferðaskrifstofur sem lækka gjaldskrána við og við. Það gera líka hótelstjórar og á þessum betri hótelum má finna lægra verð næstu vikur og mánuði. 

 

Það eru ekki bara flugfélög og ferðaskrifstofur sem lækka gjaldskrána við og við. Það gera líka hótelstjórar og á þessum betri hótelum má finna lægra verð næstu vikur og mánuði.

Staðsetning og verð vegur skiljanlega einna þyngst þegar við bókum hótel út í heimi. Umsagnir á netinu og stjörnur hafa líka sitt að segja og líklega erum við mörg sem gælum ávallt við að finna tilboð á betri og flottari gististað en við erum vön að leyfa okkur að bóka. Gott hótel lyftir nefnilega utanlandsferðinni upp á hærra plan, jafnvel þó við verjum ekki löngum tíma þar vakandi. Hótel þar sem nostrað hefur verið við smáatriðin og hefur sterka tenginu við áfangastaðinn er miklu skemmtilegri dvalarstaður en þessi hefðbundnu keðjuhótel sem eru alls staðar eins. Hér eru nokkur dæmi fyrir þá sem í leit að einhverju fínna fyrir næstu ferð.

Ódýrari sumarnætur

Víða er sumarið aðaltíminn í ferðaþjónustunni en það ekki alls staðar þannig. Þess vegna geturðu í dag fengið hótelherbergi á hinu rómaða hóteli Tibourg í Mýrinni í París með vænum afslætti. Nóttin þar kostar um 33 þúsund krónur en í haust hækkar gjaldið um þriðjung. Svipaða sögu er að segja af nafntoguðum hótelum í New York eins og Cassa og Bowery og í Berlín er hið fimm stjörnu Grand Hyatt á fjögurra stjörnu verði í sumar. Að sjálfsögðu er einnig hægt að finna álíka afslætti á ódýrari gististöðum borganna. Þannig lækkar Ellington hótelið í Berlín sína prísa um helming næstu vikur og afslátturinn á The Dude er einnig vænn. Í matarborginni Brussel má líka gista fyrir minna þessa dagana en þegar viðskiptaferðalögin hefjast á ný í haust þá hækkar verðið.

Haustið er tíminn

Í fyrra fóru flestir Íslendingar út í október og af heimasíðum ferðaskrifstofanna að dæma þá verða margir á ferðinni í haust því nokkrar af borgarferðunum sem þá eru í boði eru nú þegar uppseldar. Þeir sem ætla út á eigin vegum vilja kannski nýta sér þá nýbreytni að geta flogið beint frá Keflavík til Barcelona, Zurich, Genf eða Vancouver að hausti. Á einum kunnasta gististaðnum í síðastnefndu borginni, Westwood Hotel, kostar nóttin í ágúst tæpar fimmtíu þúsund krónur. Sá sem nýtir sér síðustu ferðir Icelandair til Vancouver í október fær hins vegar gistinguna á helmingi minna ef bókað er í dag. Í Zurich geturðu tékkað þig inn á 25hours hótelið í hinum skemmtilega vesturbæ og borgað þriðjungi minna í október en nú í sumar og sá sem heldur til Barcelona í haust getur fengið nóttina á Primero-Primera á 27 þúsund í stað 35 þúsunda en hótelið fær fullt hús hjá notendum Tripadvisor og er víða lofað í ferðapressunni.

Sérvalin hótel í ódýrari kantinum og í milliverðflokki á vegum Tablet Hotels:

París: MayetThe FiveHotel Thérése London: The RockwellThe Mandeville
Kaupmannahöfn: TwentySevenAlexandra New York: AceSmyth
Barcelona: MarketGranados83 Berlín: KuDamm101Sir F.K. Savigny

 

 

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …