Samfélagsmiðlar

Enginn vill reka smiðshöggið á nýja flugstöð

Vandræðagangurinn á nýja flugvellinum í Berlín heldur áfram og nú fæst enginn til að greiða úr flækjunni sem hefur seinkað opnun vallarins um nokkur ár. Verkfræðingar fást ekki lengur til starfa við framkvæmdina. MEIRA

 

 

Vandræðagangurinn á nýja flugvellinum í Berlín heldur áfram og nú fæst enginn til að greiða úr flækjunni sem hefur seinkað opnun vallarins um nokkur ár. Verkfræðingar fást ekki lengur til starfa við framkvæmdina.

Fyrir þremur árum síðan stóð til að taka í gagnið nýjan flugvöll í höfuðborg Þýskalands. Hann hefur hlotið heitið Brandenburg-Willy Brandt og átti að leysa af hólmi flugstöðvarnar við Schönefeld og Tegel en þær eru báðar orðnar úr sér gegnar. Nýja flugstöðin fékk hins vegar ekki grænt ljós hjá brunaeftirliti Berlínar og hafa síðustu ár farið í að reyna að leysa úr þeim athugasemdum sem eftirlitið gerði. Það gengur hins vegar hægt og ekki bætir úr skák að erfitt er að fá verkfræðinga til að leggja nafn sitt við verkefnið. Nýlega auglýstu forsvarsmenn flugstöðvarinnar eftir verktakafyrirtæki til að taka að sér umsjón með lokafrágangi flugstöðvarinnar og í boði voru nærri fimm milljarðar króna. Útboðslýsingin var send út um alla Evrópu en samkvæmt frétt Checkin.dk þá sótti enginn um verkið.

Alla vega fimm árum á eftir áætlun

Forsvarsmenn stærstu flugfélaga Þýskalands hafa gagnrýnt málið harðlega og um tíma var talið að borgarstjóri Berlínar þyrfti að segja af sér vegna þess. Verkið hefur ekki bara tafist heldur einnig farið langt fram úr áætlun. Kröfur um afsögn gætu gerst háværar á ný því nýlega gaf stjórnarformaður Brandenburg flugvallar það út að það verði í fyrsta lagið árið 2016 sem farþegar fari um nýju flugstöðina. Fimm árum eftir að til stóð að taka hana í notkun.

NÝJAR GREINAR: Áfangastaðir vetrarinsMetmánuður hjá íslensku félögunum

Sérvalin hótel í ódýrari kantinum og í milliverðflokki á vegum Tablet Hotels:

París: MayetThe FiveHotel Thérése London: The RockwellThe Mandeville
Kaupmannahöfn: TwentySevenAlexandra New York: AceSmyth
Barcelona: MarketGranados83 Berlín: KuDamm101Sir F.K. Savigny

 

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …