Samfélagsmiðlar

Holtið í Vancouver

Hótelið fyrir þá sem vilja búa á tímalausum stað í göngufæri við það flesta í Vancouver.

Fyrir framan hóteldyrnar stendur prúðbúinn dyravörður og í anddyrinu eru íburðamiklar mubblur, málverk á veggum og persískar mottur á gólfum. Hér er naumhyggjunni ekki fyrir að fara í aðbúnaði né þjónustu. Starfsfólkið kann sitt fag og það skín í gegn að þetta fjölskylduhótel er ljómandi vinnustaður. Staðsetning í miðborgin gerir það að verkum að vellaunaðir farandverkamenn dvelja hér í miðri viku og Sean Connery bjó á svítunni í nokkra mánuði á meðan hann tók upp bíómynd í borginni.

Á Wedgewood hótelinu getur hinn hefðbundni ferðamaður líka fundið herbergi á viðráðanlegu verði. En þó aðallega utan aðalferðamannatímans en Icelandair flýgur beint til borgarinnar langt fram á haustið.

Wedgewood Hotel, er líkt Hótel Holt, hluti að Relais&Châteaux en innan samtakanna eru aðeins fínni gististaðir í einkaeigu en ekki keðjuhótel.

Herbergin

Líkt og í lobbínu eru herbergin innréttuð með antík húsgögnum, flúruðu veggfóðri og marmara á baðherberginu. Rúmín eru stór og afskaplega þægileg og hér eru því kjöraðstæður til að sofa úr sér flugþreytuna.

Staðsetning

Það er varla hægt að vera meira miðsvæðis en hér við Robson Square og þeir sem ætla að gera stórverslunum skil í ferðinni þurfa aðeins að labba niður á horn til að hefja búðaröltið. Það er líka örstutt í skemmtileg hverfi eins og Yaletown og það tekur aðeins tíu mínútur að rölta niður að kajanum þaðan sem ferjurnar sigla yfir á Granville Island, einn vinsælasta áningastað ferðamanna í borginni.

Maturinn

Það eru ekki bara hótelgestir sem venja komur sínar á Wedgewood því veitingastaður hússins, Bacchus, og barinn lokka einnig marga til sín. Þeir sem vilja fá sér klassíska máltíð eða bara hanastél ættu því að líta við. Morgunverðarmatseðill húsins er ljómandi.

Verðið

Hótel í þessum klassa kosta sitt en í Vancouver, líkt og svo mörgum öðrum borgum, þá hægist á umferð ferðamanna á ákveðnum tímum ársins. Þeir sem kjósa til dæmis að gera borginni skil í byrjun hausts geta þannig fengið herbergi á helmingi lægra verði en þeir sem þangað koma yfir sumarið. Það er þó ólíklegt að nóttin kosti minna en tæpar 30 þúsund krónur. Hér má reglulega finna tilboð á gistingu á Wedgewood Hotel and Spa. En eins og nafnið gefur til kynna má einnig fara í gufubað og fá nudd á hótelinu.

Sjá heimasíðu Wedgewood hér.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …