Samfélagsmiðlar

Nazar ætlar að tvöfalda umsvif sín næsta sumar

Íslenskir farþegar Nazar bókuðu í flestum tilfellum fjögurra og fimm stjörnu gistingu. Kemal Yamanlar, framkvæmdastjóri Nazar, er ánægður með viðtökurnar en ekki samskiptin við íslensk flugfélög og þótti flókið að hefja rekstur hér á landi. MEIRA

 

 

Í ár hóf norræna ferðaskrifstofan Nazar starfsemi hér á landi og bauð upp á sólarlandaferðir til Tyrklands. Íslenskir farþegar Nazar bókuðu í flestum tilfellum fjögurra og fimm stjörnu gistingu. Kemal Yamanlar, framkvæmdastjóri Nazar, er ánægður með viðtökurnar en ekki samskiptin við íslensk flugfélög og þótti flókið að hefja rekstur hér á landi.

Hvernig var sumarið fyrir Nazar?

Það gekk mjög vel. Upphaflega var markmiðið að selja ferðir til 1.750 gesta en við bættum við brottförum í lok sumars og samtals fóru því um 2.500 farþegar með okkur frá Íslandi. Við eigum eftir að gera upp árið en ég geri ráð fyrir að Íslandsstarfsemin komi út í plús sem er mjög gott á fyrsta starfsárinu. Viðtökurnar voru því góðar og sem dæmi má nefna að það fylgjast sextán þúsund Íslendingar með okkur á Facebook sem er meira en á hinum Norðurlöndunum fyrir utan Svíþjóð. Á hinum mörkuðunum höfum við hins vegar verið í allt að áratug.

Þið voruð með margar ferðir á niðursettu verði í byrjun sumars. Var framboðið of mikið?

Júlí kom okkur á óvart þar sem við héldum að það væri mánuður sem margir Íslendingar vildu fara í sumarfrí til útlanda en svo var ekki. Kannski vilja Íslendingar, líkt og Finnar, vera heima í júlí. Norðmenn kjósa hins vegar að ferðast út í þeim mánuði.

Telurðu að með tilkomu Nazar hafi orðið breytingar í ferðaskrifstofugeiranum á Íslandi?

Það er erfitt að segja þegar maður situr í öðru landi og getur ekki fylgst með islenskum fréttum. Það virðist vera sem þeir sem ferðuðust með okkur í ár hafi verið ánægðir og tala um að við höfum komið með eitthvað nýtt. Antalya er eitt af aðalferðamannasvæðum Evrópu og við erum þau einu með ferðir þangað. Ég hitti marga Íslendinga í ferðunum í sumar og fólk virtist sammála um að gæðin væru mikil og verðið viðráðanlegt. Það er markmið okkar að Íslendingar upplifi sig sem Íslendinga í ferðunum og því bjóðum við upp á íslenska fararstjóra og barna- og unglingaklúbba. Íslenskir farþegar kosta því meira þar sem það eru færri farþegar um hvern íslenskan fararstjóra en þá frá hinum Norðurlöndunum.

Þið bjóðið aðallega upp á hótel með öllu inniföldu. Vilja Íslendingar þess háttar gististaði?

Þau tíu hótel sem Íslendingar bókuðu oftast eru öll með allt fæði innifalið í verðinu og átta af þeim eru fjögurra eða fimm stjörnu. Sextíu prósent íslensku gestanna dvöldu á þeim þremur hótelum þar sem við erum með íslenskt barnaprógramm eins og Pegasos World.

Hvernig var að hefja starfsemi hér í samanburði við hin Norðurlöndin?

Út frá kúnnunum þá er það mjög svipað og annars staðar. Allir vita hvað hótel sem eru með allt innifalið standa fyrir og við þurftum ekki að kynna það fyrir Íslendingum. Það var hins vegar annað að eiga við íslensk flugfélög og hið opinbera. Það virtist vera sem það flæktist fyrir að við værum ekki með skrifstofur á Íslandi heldur stjórnuðum öllu frá skriftstofunni í Malmö, líkt og við gerum á öðrum mörkuðum. Við fengum mjög óskýr svör í byrjun en samskiptin bötnuðu þó þegar við fórum að auglýsa og talað var um okkur í fjölmiðlum. Sumir af þeim sem við vorum í sambandi við í upphafi sögðu okkur síðar að þeir hefðu pantað ferðir með okkur í sumar.

Samskiptin við Icelandair og WOW air eru hins vegar erfið og þau svara aldrei fyrirspurnum okkar. Við viljum gjarnan bjóða upp á ferðir til Malaga en þó ekki með eigin leiguflugi líkt og við gerum með ferðirnar til Tyrklands og því ákjósanlegt að fljúga með íslensku félögunum.

Það er nú þegar hægt að bóka hjá ykkur ferðir fyrir næsta sumar. Eru margir sem panta með svona löngum fyrirvara?

Í dag hafa 79 ferðir selst fyrir næsta sumar af þeim fimm þúsund sem við stefnum á að selja. Þetta er ágætis byrjun enda ekki oft sem fólk kaupir svo langt fram í tímann. Næsta sumar munum við fljúga fram til loka september og bæta við ferðum ef eftirspurnin verður fyrir hendi.

Nazar er í eigu TUI, eins stærsta ferðaskipuleggjanda, í heimi. Telurðu að fyrirtækið stefni á aukin umsvif á Íslandi?

Íslenski markaðurinn er sennilega of lítill fyrir TUI og ég kannast ekki við að það sé á teikniborðinu hjá fyrirtækinu að hefja starfsemi hér. Hins vegar er Ísland áhugaverður áfangastaður fyrir farþega TUI frá öðrum löndum og ég mun skoða þann möguleika ásamt kollegum mínum.

TENGDAR GREINAR: Ríflega 9 af hverjum 10 sætum seldust hjá VitaMetsumar hjá HeimsferðumSumarið stóð undir væntingum hjá Úrval-Útsýn

 

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …