Samfélagsmiðlar

Lufthansa fer í samkeppni við Icelandair

Stærsta flugfélag Þýskalands og eitt það umsvifamesta í heiminum ætlar ekki að hætta Íslandsflugi líkt og gefið hafði verið út. Félagið opnar nýja flugleið í vor.

 

 

Stærsta flugfélag Þýskalands og eitt það umsvifamesta í heiminum ætlar ekki að hætta Íslandsflugi líkt og gefið hafði verið út. Félagið opnar nýja flugleið í vor.

Undanfarin ár hefur þýska flugfélagið Lufthansa flogið til Keflavíkur frá Berlín, Dusseldorf og Hamburg í Þýskalandi. Dótturfélagið German Wings hefur hins vegar tekið við þessum þremur flugleiðum og útlit var fyrir að Lufthansa myndi ekki fljúga til Íslands næsta sumar.

Forsvarsmenn félagsins hafa hins vegar ákveðið að auka umsvif á Norðurlöndunum og hluti af þeirri sókn er að bjóða upp á tvö flug í viku til Íslands frá Frankfurt. Icelandair hefur um langt árabil flogið til fjármálamiðstöðvar Þýskalands og býður upp á allt að tvær ferðir á dag til borgarinnar allt árið um kring.

Hætta næturflugi

Hingað til hafa brottfarir Lufthansa frá Keflavík verið í kringum miðnætti en á því verður breyting í vor. Þá munu vélar Lufthansa lenda hér á landi um miðjan dag og verða komnar aftur til Frankfurt um kvöldmatarleyti. Lufthansa ætlar að starfrækja þessa flugleið frá 2. maí og fram til 28. september og verður flogið á fimmtudögum og laugardögum.

Í tilkynningu frá félaginu segir notaðar verði vélar að gerðinu Airbus 319 og verða sæti fyrir 138 farþegar í tveimur farrýmum. Ódýrara farið, báðar leiðir, með Lufthansa til Frankfurt er 31.620 krónur.

SÉRVALIN HÓTEL Á VEGUM TABLET HOTELS:

PARIS: PARADISPARISFRÁ 17ÞÚS KR.KÖBEN: HOTEL 27 – FRÁ 20ÞÚS KR.LONDON: ROCKWELL – FRÁ 17ÞÚS KR. NEW YORK: NIGHT HOTEL – FRÁ 14ÞÚS KR.

 

Nýtt efni

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …