Samfélagsmiðlar

Mikill munur á barnafargjöldum flugfélaganna

Flugfarþegar sem eru orðnir tveggja ára þurfa í sumum tilfellum að borga jafn mikið fyrir flugsætið sitt og fullorðna fólkið. Ungabörn borga líka mismunandi mikið fyrir að sitja í fangi foreldranna.

 

 

 

Flugfarþegar sem eru orðnir tveggja ára þurfa í sumum tilfellum að borga jafn mikið fyrir flugsætið sitt og fullorðna fólkið. Ungabörn borga líka mismunandi mikið fyrir að sitja í fangi foreldranna.

Í bókunarfomum á heimasíðum flugfélaga eru börnum oftast skipt í tvo aldurshópa, tveggja til ellefu ára og hins vegar ungabörn. Sum flugfélög veita þeim sem tilheyra eldri hópnum allt að fimmtungs afslátt af fullorðinsgjaldinu. Það er þó ekki alltaf raunin. Hjá easyJet og WOW air greiða til að mynda börn sem náð hafa tveggja ára aldri venjulegt fargjald. Flugvallargjöld á Keflavíkurflugvelli eru hins vegar um tvöfalt hærri fyrir fullorðna farþega en þá sem eru á aldrinum tveggja til ellefu ára. Hjá WOW air er tekið tillit til þess en heildarfargjaldið hjá easyJet er það sama fyrir fullorðna og börn.

Tösku- og ungbarnagjaldið álíka hátt

Farþegar sem eru yngri en tveggja ára eiga ekki rétt á sérsæti um borð í flugvélum og þurfa því að sitja í fangi samferðamanna sinna. Það verður engu að síður að kaupa farmiða fyrir ungabörnin og það eru tvær mismunandi leiðir sem flugfélögin fara í verðlagningu á farmiðum fyrir þau yngstu. Annað hvort rukka þau um tíund af almennu fargjaldi, að frádregnum sköttum og gjöldum, eða sérstakt ungbarnafargjald. Hjá easyJet og WOW air er þetta gjald 4000 krónur fyrir hvora leið sem er álíka mikið og borga þarf fyrir að innrita farangur hjá þessum flugfélögum. Þeir sem fljúga með Icelandair, Norwegian eða SAS greiða mun lægra ungbarnagjald ef fullorðinsmiðinn er í ódýrari kantinum. Ef hefðbundið fargjald með þessum félögum er hins vegar nálægt áttatíu til hundrað þúsund krónum þá er ungbarnafarmiðinn álíka dýr og hjá easyJet og WOW air.

Sérstök fargjöld fyrir ungt fólk

Flugfélögin SAS og Norwegian fljúga hingað allt árið frá Osló og hjá báðum félögum eru í boði lægri fargjöld fyrir þá sem eru yngri en 26 ára. Þessi hópur greiðir þá fast gjald sem getur verið nokkru ódýrara en fullorðinsmiðarnir. Flugmiði, báðar leiðir, með SAS til Oslóar kostar þá rúmar 25 þúsund krónur en hjá Norwegian greiða tólf til tuttugu og fimm ára um fjórtán þúsund krónur. Hjá norska félaginu þarf auk þess að greiða fyrir farangur. Þetta tilboð Norwegian gildir aðeins fram að áramótum.

Í vetur verða Icelandair, WOW air, easyJet, SAS og Norwegian umsvifamest í flugi til og frá landinu og eins og sjá má þá er margt sem barnafjölskyldur þurfa að taka með í reikninginn þegar bera á saman fargjöld félaganna fimm.

 

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …