Samfélagsmiðlar

SAS prófar nýtt aukagjald

Stærsta flugfélag Norðurlanda flýgur allt að daglega milli Oslóar og Keflavíkur og brátt mun félagið kynna til sögunnar nýja þjónustu sem er í anda lágfargjaldaflugfélaganna.

 

 

Stærsta flugfélag Norðurlanda flýgur allt að daglega milli Oslóar og Keflavíkur og brátt mun félagið kynna til sögunnar nýja þjónustu sem er í anda lágfargjaldaflugfélaganna.

Í Skandinavíu ríkir mjög mikil samkeppni milli flugfélaganna Norwegian og SAS. Forsvarsmenn félaganna senda hvorum öðrum reglulega tóninn í fjölmiðlum og fargjöld til og frá Skandinavíu hafa lækkað.

Bæði félögin fljúga hingað frá Osló og íslenskir farþegar njóta góðs af verðstríðinu því eins og Túristi greindi frá í gær þá eru fargjöld héðan til höfuðborgar Noregs oftast lægri en til Kaupmannahafnar og London.

Áfram frítt við innritun

Norwegian er lágfargjaldaflugfélag og þar borga farþegar aukalega fyrir nær alla þjónustu. Í auglýsingum SAS er hins vegar lögð áhersla á að farþegar félagsins greiði ekki sérstaklega fyrir farangur, drykki, val á sætum og fleira. Í næstu viku verður hins vegar nýtt gjald kynnt til sögunnar hjá SAS sem er í anda lágfargjaldafélaganna. Þeir sem bóka farmiða á ódýrasta farrými hjá félaginu geta þá tekið frá sæti en aðeins gegn því að borga um 1400 krónur fyrir. Þeir sem ekki velja þann kost geta eftir sem áður valið sér sæti sér að kostnaðarlausu þegar innritun hefst 22 tímum fyrir brottför.

Í svari til Túrista segir Tormod Sandstø, upplýsingafulltrúi SAS, að hingað til hafi aðeins farþegar í vildarklúbbi félagsins, EuroBonus, getað tekið frá sæti við bókun farmiða en núna geti allir gert það fyrir lítil aukagjald. Hann áréttar hins vegar að sem fyrr kosti ekkert að taka frá sæti eftir að innritun hefst.

Sætisval er algeng tekjulind

Yfir vetrartímann eru Icelandair og SAS einu flugfélögin sem fljúga til og frá Íslandi sem ekki teljast til lágfargjaldaflugfélaga. Hjá Icelandair er hægt að taka frá sæti við pöntun farmiða án aukakostnaðar. Það kostar hins vegar allt að þrjú þúsund krónur að festa sér sæti, aðra leiðina, hjá lággjaldaflugfélögunum.

SÉRVALIN HÓTEL Á VEGUM TABLET HOTELS:

PARIS: PARADISPARISFRÁ 17ÞÚS KR.KÖBEN: HOTEL 27 – FRÁ 20ÞÚS KR.LONDON: ROCKWELL – FRÁ 17ÞÚS KR. NEW YORK: NIGHT HOTEL – FRÁ 14ÞÚS KR.

 

Nýtt efni

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …