Samfélagsmiðlar

Taka flugáætlanir stöðugum breytingum og hver er þá réttur farþega?

Upplýsingafulltrúi WOW air segir að flugáætlanir flugfélaga taki stöðugum breytingum.
Forsvarsmenn easyJet og Icelandair taka ekki undir það. 

Upplýsingafulltrúi WOW air segir að flugáætlanir flugfélaga taki stöðugum breytingum. Forsvarsmenn easyJet og Icelandair taka ekki undir það.

Eftir áramót mun WOW air draga töluvert úr flugi til Kaupmannahafnar líkt og Túristi greindi frá. Í frétt Viðskiptablaðsins um þessar breytingar segir Svanhvít Friðriksdóttir, upplýsingafulltrúi WOW air, að engar sérstakar ástæður séu fyrir fækkun ferðanna og flugáætlanir flugfélaga taki stöðugum breytingum. Ef það er raunin að flugáætlanir breytist reglulega þá flækir það skipulagningu ferðalaga og getur valdið flugfarþegum fjárhagstjóni þó þeir fái farmiðann endurgreiddann. Til dæmis þarf stundum að greiða fyrir breytingar á gististöðum og bílaleigum og eins geta tengiflug farið í súginn.

Þrátt fyrir þennan mögulega skaða þá þurfa flugfélög ekki að greiða farþegum sínum bætur ef flugi er aflýst með að minnsta kosti tveggja vikna fyrirvara. Ef fyrirvarinn er skemmri geta farþegar átt rétt á skaðabótum upp á 38.500 til 92.500 krónur samkvæmt upplýsingum á vef Samgöngustofu.

Segja breytingar fátíðar

Í síðasta mánuði stóðu easyJet, Icelandair og WOW air fyrir um níu af hverjum tíu brottförum frá Keflavíkurflugvelli. Talsmenn samkeppnisaðila WOW air taka ekki undir þá fullyrðingu að flugáætlanir flugfélaga breytist stöðugt. „Við gerum umfangsmiklar rannsóknir áður en við hefjum flug til nýrra staða til að tryggja að langstærsti hluti flugleiða okkar njóti vinsælda til lengri tíma og til að lágmarka breytingar á útgefinni flugáætlun“, segir Andy Cockburn, upplýsingafulltrúi easyJet. Guðjón Arngrímsson, frá Icelandair, segir félagið ekki gera reglulegar breytingar á sinni áætlun.

Viðbót kl. 10:18

Svanhvít Friðriksdóttir, segir eftirfarandi í svari til Túrista: „Að sjálfsögðu eru ekki stöðugar breytingar á flugáætlunum með skömmum fyrirvara og WOW air hefur frá upphafi lagt áherslu á að gera sem minnstar breytingar eftir að áætlun hefur verið kynnt. Það sem ég átti við (í viðtali við Viðskiptablaðið, innsk. blm) og hefur misskilist er að flugfélög gera stöðugar breytingar á milli ára. Bæta í á sumum stöðum og draga úr á öðrum stöðum. Þetta fer eftir framboði, eftirspurn, nýtingu flugflotans o.s.frv.“

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …