Samfélagsmiðlar

Þrefalt fleiri Svisslendingar og helmingi færri Rússar

reykjavik vetur

Það eru miklar sveiflur í fjölda ferðamanna hér á landi eftir þjóðernum. Gengi gjaldmiðla og flugsamgöngur hafa líklega sitt að segja. Það eru sveiflur í fjölda ferðamanna hér á landi eftir þjóðernum. Gengi gjaldmiðla og flugsamgöngur hafa líklega sitt að segja.
Um 63 þúsund erlendir ferðamenn vour hér á landi í síðasta mánuði og fjölgaði þeim um meira en þriðjung í samanburði við janúar í fyrra samkvæmt talningu Ferðamálastofu. Janúar er almennt sá mánuður sem fæstir túristar eru hér á landi en til marks um þær breytingar sem hafa orðið þá voru álíka margir ferðamenn hér í janúar sl. og voru í júní árið 2011.

Flug til Basel og Genf hefur áhrif

Sem fyrr eru Bretar langfjölmennastir hér á landi og voru þeir um þriðjungur allra þeirra útlendinga sem innrituðu sig í flug í Leifsstöð í síðasta mánuði. Hlutfallslega fjölgaði svissneskum ferðamönnum hinsvegar langmest. Síðustu ár hafa rúmlega þrjú hundruð Svisslendingar sótt landið heim í janúar en í síðasta mánuði voru þeir ríflega ellefu hundruð talsins. Skýringin á þessari miklu breytingu er líklegast sú að nú er í fyrsta skipti boðið upp á áætlunarflug hingað frá Sviss yfir vetrarmánuðina. Heimamenn í Basel og Genf virðast taka því fagnandi og ekki dregur það úr ferðagleði heimamanna að svissneski frankinn hefur styrkst um fimmtung í ár. Verðlag í útlöndum er því ennþá hagstæðara en áður fyrir þá sem vinna í Sviss.

Aðeins olíuríkin draga úr Íslandsferðum

Verðlag í útlöndum er hins vegar orðið mun óhagstæðara fyrir á sem fá greidd laun í rússnesku rúblum. Fækkaði Rússum hér á landi um nærri helming milli janúarmánuða og einnig varð samdráttur í komum Norðmanna en verðlækkanir á olíu hafa einnig fellt gengi norsku krónunnar. Ferðamönnum frá öðrum þjóðum fjölgaði hins vegar á milli janúarmánaða samkvæmt talningu Ferðamálastofu.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …