Samfélagsmiðlar

Töskugjald til stöðugrar skoðunar hjá Icelandair

icelandair flug

Það verður sífellt algengara að hefðbundin flugfélög taki upp alls kyns aukagjöld að hætti lággjaldaflugfélaga Það verður sífellt algengara að hefðbundin flugfélög taki upp alls kyns aukagjöld að hætti lággjaldaflugfélaga. Farangursgjöld eru reglulega til athugunar hjá stjórnendum Icelandair.
Sjö af þeim sextán flugfélögum sem halda uppi áætlunarflugi frá Keflavíkurflugvelli rukka farþegana aukalega fyrir innritaðan farangur samkvæmt úttekt Túrista. Í haust bætist Lufthansa, stærsta flugfélag Þýskalands, í þennan hóp því brátt geta farþegar félagsins bókað flugmiða án farangursheimildar innan Evrópu og á það jafnframt við um í Íslandsflugi félagsins. Fleiri hefðbundin flugfélög, til að mynda Air France, hafa tekið upp þess háttar aukagjöld sem áður tíðkuðust aðeins hjá lággjaldaflugfélögum.

Engin ákvörðun tekin

Farþegar Icelandair mega í dag innrita eina tösku án endurgjalds ef flogið er innan Evrópu en tvær töskur fylgja með fargjaldinu þegar haldið er vestur um haf. Aðspurður um hvort líklegt sé að Icelandair bjóði fargjöld án farangursheimildar á næstu árum segir Guðjón Arngrímsson, upplýsingafulltrúi Icelandair, að engar ákvarðanir um þetta hafi verið teknar. „Þessi mál eru í stöðugri skoðun og þróun hjá okkur, eins og svo mörgum öðrum flugfélögum, en ákvarðanir hafa ekki verið teknar um breytingar.“

Ólík töskugjöld

Líkt og kom fram í nýrri könnun Túrista þá eru farangursgjöld flugfélaganna mismunandi há. Lægsta gjaldið er 1.730 krónur en það hæsta 4.990 krónur fyrir aðra leiðina. Farþegar sem vilja taka með sér meira en aðeins handfarangur með þessum flugfélögum borga því allt að tíu þúsund krónur undir eina tösku. Hjá tveimur flugfélögum hér á landi, WOW air og Wizz air, þurfa farþegar í sumum tilvikum að borga aukalega fyrir handfarangur.
TILBOÐ: NÚ KOSTAR MINNA AÐ TAKA FRÁ BÍLALEIGUBÍL

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …