Samfélagsmiðlar

Hóteltékk: Hotel La Tour í Birmingham

latourbirmingham

Vel staðsettur gististaður fyrir þá sem vilja alls ekki gista á hefðbundnu bresku hóteli. Vel staðsettur gististaður fyrir þá sem vilja alls ekki gista á hefðbundnu bresku hóteli.
Það kannast líklega margir við að hafa lent á  hótelherbergi í Bretlandi þar sem hurðin rekst næstum í rúmið, útsýnið nánast ekkert og baðherbergið á stærð við kamar. Í Birmingham, næst fjölmennustu borg Bretlands, er vafalítið úr ófáum þess háttar gististöðum að velja en Hotel La Tour er ekki eitt þeirra. 

Herbergin

La Tour er fjögurra stjörnu hótel sem tekið var í notkun fyrir þremur árum síðan í nýbyggingu í miðborginni. Þar eru 174 herbergi og þeim öllum ná gluggarnir frá lofti og niður á gólf. Vistaverunar eru því bjartar þó herbergin séu innréttuð í dökkum litum. Minnstu herbergin kallast „City Room“ og þar er nóg pláss fyrir stórt rúm, hægindastól og lítið skrifborð. Baðherbergin eru líka rúmgóð. Hótelgestir frá frían aðgang að þráðlausu neti og var sambandið gott alls staðar þar sem útsendari Túrista fór um innan veggja hótelsins.

Staðsetningin

Eitt helsta aðdráttarafl Birmingham er Bullring verslunarkjarninn sem er einn sá stærsti í Bretlandi. Hann er í miðri borginni og það tekur aðeins um 5 mínútur að rölta frá anddyri La Tour hótelsins inn í miðjan kringluna. La Tour er hins vegar ekki bara vel staðsett fyrir þá sem ætla í búðarölt heldur einnig þá sem vilja búa miðsvæðis og geta farið fótgangandi á milli markverðustu staða. Þeir sem vilja nýta sér almenningssamgöngur til og frá flugvellinu eru líka vel settir á La Tour því í 10 mínútna göngufæri frá hótelinu er New Street lestarstöðin og þar stoppa lestirnar á leiðinni frá flugvellinum

Verðið

Ódýrustu herbergin á La Tour kosta 89 pund sem samsvarar um 18 þúsund íslenskum krónum á nótt. Það er hins vegar reglulega hægt að finna alls kyns tilboð á heimasíðu hótelsins þar sem í boði eru helgarpakkar með með inneign á matsölustöðum hótelsins.
Icelandair hóf nýverið að fljúga til Birmingham. Félagið flýgur héðan á fimmtudögum og mánudögum til borgarinnar.
Sjá heimasíðu Hotel La Tour 
latourhotel birmingham

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …