Samfélagsmiðlar

Ódýrara en áður að bóka Lundúnarflug með stuttum fyrirvara

london louis llerena

Flugfélögin þrjú sem bjóða upp á ætlunarflug til London í haust bjóða nú mun lægra verð. Fargjöldin til Óslóar og Kaupmannahafnar breytist minna. Flugfélögin þrjú sem bjóða upp á ætlunarflug til London í haust bjóða nú mun lægra verð. Fargjöldin til Óslóar og Kaupmannahafnar breytist minna. 
Sá sem bókar í dag ferð til London og heim aftur um mánaðarmótin borgar mun minna en farþegi sem var í sömu sporum í fyrra og í septemberbyrjun árið 2013 og 2012. Hjá WOW air er hægt að fá flug, fram og tilbaka, eftir fjórar vikur fyrir um 29 þúsund krónur og er farangursgjald félagsins tekið með í reikninginn. Á sama tíma í fyrra kostaði ódýrasta farið með WOW til London rúmlega 40 þúsund. Verðlækkunin nemur 28 prósentum. EasyJet og Icelandair rukka einnig minna fyrir flugið til London núna en í fyrra eins og sjá má á efra súluritinu hér fyrir neðan. Verðþróunin er hins vegar önnur þegar kemur að flugi til Kaupmannahafnar og Óslóar. Þeir sem ætla til þessara borga í lok nóvember borga sambærilega mikið fyrir farið til London og Kaupmannahafnar en geta fundið lægri fargjöld til Óslóar eins og sést á neðra ritinu. Þar má líka sjá að í lok nóvember bjóða bæði British Airways og easyJet ódýrari farmiða en íslensku félögin tvö.
Í verðkönnunum Túrista eru fundin ódýrustu sætin, báðar leiðir, innan sömu viku og er reiknað með að lágmarksdvöl í útlöndum sé tvær nætur. Tösku- og bókunargjöld eru tekin með í reikninginn.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …