Samfélagsmiðlar

Breiðþotur WOW munu nýtast í flug til fjölda áfangastaða

skuli mogensen wow

Tveir áfangastaðir á vesturströnd Bandaríkjanna eru forsenda þess að ná sem mestu út úr nýjum breiðþotum WOW air. Skúli Mogensen, forstjóri og eigandi WOW air, segir félagið ganga það vel að ekki sé þörf á meðeigendum.

Frá og með næsta sumri mun WOW air bjóða upp flug til Los Angeles og San Francisco líkt og tilkynnt var í gær. Að hefja áætlunarflug til þessara tveggja stórborga á vesturströnd Bandaríkjanna á sama tíma er eitt allra stærsta stökk sem WOW air hefur tekið og leit er að hliðstæðum dæmum í íslenskri flugsögu.

SAS og Norwegian, tvö stærstu flugfélög Norðurlanda, hafa bætt þessum tveimur áfangastöðum við leiðakerfi sín síðustu misseri og hafa þær ákvarðanir fengið töluvert umtal í skandinavísku ferða- og viðskiptapressunni enda kallar flug til vesturstrandar Bandaríkjanna á miklar fjárfestingar. Því er til að mynda haldið fram að SAS þurfi að bæta við sig nokkrum tugum áhafnarmeðlima til að manna hverja af þeim fjórum Airbus 330 breiðþotum sem félagið mun brátt taka í gagnið.

WOW air ætlar að leigja þrjár þess háttar þotur til að fljúga með sína farþega til Los Angeles og San Francisco og yrði því líklega bæta við sig ríflega hundrað áhafnarmeðlimum bara fyrir nýju vélarnar þrjár. Það liggur því beinast við að spyrja Skúla Mogensen, forstjóra og eiganda, WOW air hvernig flugfélagið hans geti hafið flug til beggja þessara áfangastaða á einu bretti. Skúli segir að til að ná hámarks nýtingu á nýju flugvélunum þá hafi þurft að bæta við tveimur áfangastöðum á vesturströndinni en hann segir að vélarnar muni líka nýtast til að auka sætaframboð til Washington og Boston en þangað munu vélar WOW air fljúga daglega á næsta ári.

Forstjórinn bendir jafnframt á að staðsetning Íslands sé lykilatriði. „Á meðan SAS verður að fylla heila þotu í Stokkhólmi til að geta flogið til Los Angeles þá getum við flogið með farþegar alls staðar úr Evrópu til Íslands og þaðan áfram til Los Angeles.

Munurinn á Icelandair og WOW kemur fram í Montrealfluginu

Rekstur Icelandair hefur um áratugaskeið byggst upp á þessu módeli en miðað við áform næsta árs ætlar WOW air að saxa verulega á forskot Icelandair á næstu misserum. Bæði félög munu t.a.m. að hefja flug til Montreal í Kanada í maí nk. og fljúga þangað fjórum sinnum í viku. Icelandair þó aðeins frá vori og fram á haust en WOW air allt árið um kring.

Að mati Skúla endurspeglist munurinn á viðskipamódelum flugfélaganna tveggja í þessu dæmi. „Við seljum nær alla okkar farmiða á netinu, erum í beinum samskiptum við viðskiptavinina og getum betur stillt af verðin en þeir sem selja í gegnum þriðja aðila. Lággjaldamódelið er búið að sanna sig í flugi innan N-Ameríku, Asíu og Evrópu og það virkar líka í flugi yfir hafið líkt og við höfum sýnt fram á. Við teljum því að núna sé rétti tímapunkturinn til að taka næstu skref og sjáum tækifæri í að fjölga áfangastöðum í N-Ameríku og Evrópu.”

Að sögn Skúla verða nýju breiðþoturnar einnig nýttar til að flytja enn fleiri farþega á stærstu áfangastaði WOW í Evrópu, það er London, Kaupmannahöfn, París og Amsterdam. Hann telur að einnig verði not fyrir stærri vélar í fluginu til Dublin en sú borg bættist við leiðakerfi WOW sl. vor og hefur flugið þangað gengið mjög vel. Eins er ekki útilokað að tvær stærstu flughafnir Þýskalands, Frankfurt og Munchen, bætist í nánustu framtíð við leiðakerfi WOW en þessar tvær borgir eru helsta vígi Lufthansa og þangað flýgur Icelandair allt árið um kring.

Hefja þarf stækkun flugstöðvarinnar

Skortur á afgreiðslutímum við Flugstöð Leifs Eiríkssonar hefur verið í umræðunni síðustu misseri og aðspurður um hvort WOW air hafi tryggt sér tíma á Keflavíkurflugvelli fyrir nýja flugið segir Skúli að staðan fyrir næsta ári sé fín en það sé fyrirsjáanlegt að það skapist mikill flöskuháls í flughöfninni á næstu árum og því mikilvægt sé að hrinda af stað framkvæmdum við hið svokallaða „Masterplan” Isavia án frekari tafa.

Ekki þörf á nýjum fjárfestum

Skúli er eini eigandi WOW air en hann vill ekki meina að þessi auknu umsvif félagsins kalli á breiðari eigendahóp. „Það er engin þörf á því að fá inn nýja fjárfesta því það gengur einfaldlega það vel hjá okkur. Í október vorum við til dæmis með 92 prósent sætanýtingu á öllum okkar stöðum sem er ótrúlega hátt hlutfall í október. En ef það kæmu inn fleiri fjárfestar þá gæti ég ekki leyft mér að hlaupa eins hratt og ég geri í dag.“

Nýtt efni

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …

Það fóru 212 þúsund farþegar með erlend vegabréf í gegnum vopnaleitinni á Keflavíkurflugvelli í júní en þessi talning er notuð til að leggja mat á fjölda ferðamanna hér á landi. Í júní í fyrra var þessi hópur 20 þúsund farþegum fjölmennari og miðað við aukið flugframboð á milli ára þá mátti gera ráð fyrir viðbót …