Samfélagsmiðlar

Vinsæll ferðahundur vill til Íslands

aspen hunter lawrence

Tugir þúsunda fylgjast með ferðalögum hundarins Aspen í gegnum samfélagsmiðilinn Instagram. Núna skora eigendur hans á Icelandair að hleypa honum um borð svo þau geti sýnt honum Ísland.
Bandarísku hjónin Hunter og Sarah Lawrence fóru í brúðkaupsferð til Íslands í hittifyrra og féllu fyrir landi og þjóð. Þau snéru því aftur síðasta vetur og nýttu tímann til að taka myndir sem birtist eru á heimasíðu þeirra Stories Across The North Atlantic. Þau mynduðu einnig fyrir 66°norður eins og lesa má um á heimasíðu fyrirtækisins. En á meðan ungu hjónin ferðuðust um Ísland þá beið þeirra heima í Denver hundur að nafni Aspen. Þegar þau snéru heim tók Hunter til við að mynda þennan fjögurra ára Golden Retriever hund á ferðum þeirra um Colorado fylki. Óhætt er að segja að Aspen hafi slegið í gegn á netinu því í dag fylgjast 54 þúsund manns með ævintýrum hans í gegnum Instragram.

Gullið tækifæri fyrir Hrísey

Nú vilja hins vegar Hunter og Sarah fara með Aspen um slóðir sínar hér á landi og fyrr í dag birtu þau mynd af Aspen í svarti 66°norður úlpu og í myndatextanum skora þau á Icelandair að hleypa Aspen í „Stopover“ til Íslands. En Icelandair flýgur einmitt til heimaborgar þeirra Denver allt árið um kring. Nú þegar hafa um fjögur þúsund og fimm hundrað manns líkað við myndina og um þrjú hundruð hafa skrifað athugasemd. Ennþá hefur þó enginn bent þeim á þær reglur sem gilda um innflutning dýra til Íslands. Fulltrúar ferðamálafélag Hríseyjar ættu kannski að nýta sér þetta dauðafæri til að koma „Perlu Eyjarfjarðar“ á kortið hjá hinum fjöldamörgu aðdáendum Aspen og bjóða eigendum hans bústað á eyjunni á meðan hundurinn fer í sótthreinsun.

Nýtt efni

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …