Samfélagsmiðlar

WOW til Los Angeles og San Francisco

Forsvarsmenn WOW air láta sér ekki nægja að tvöfalda umsvif sín í flugi til N-Ameríku á næsta ári því í dag var tilkynnt um nýjar flugleiðir til Los Angeles og San Francisco.

Í vor fór WOW air jómfrúarferð sín til Bandaríkjanna og hefur félagið síðan þá boðið upp á reglulegar ferðir til Logan flugvallar við Boston og Baltimore/Washington flugvöll við höfuðborg Bandaríkjanna. Nýlega hófst svo sala á farmiðum í áætlunarflug félagsins til Montreal og Toronto í Kanada sem byrjar í maí nk. Forsvarsmenn flugfélagsins láta ekki þar við sitja því í dag tilkynntu þeir að frá og með næsta sumri yrðu borgirnar Los Angeles og San Franscico, á vesturströnd Bandaríkjanna, hluti að leiðakerfi WOW air. Ekki kemur fram í tilkynningu hvenær fyrstu ferðirnar verða farnar en báðar flugleiðirnar verða starfræktar allt árið um kring.

Mjög há sætanýting

Aldrei áður hefur verið boðið upp á áætlunarflug héðan til Los Angeles en Icelandair spreytti sig tímabundið á flugi til San Francisco yfir aðalferðamannamánuðina á árunum fyrir hrun. Í viðtali við Viðskiptablaðið árið 2009 sagði Birkir Hólm Guðnason, framkvæmdastjóri Icelandair, að samkeppnin í flugi til San Francisco hafi verið hörð og erfitt hafi reynst að ná góðri sætanýtingu. Núna er markaðurinn fyrir flug til Íslands og milli Evrópu og N-Ameríku hins vegar annar og í tilkynningu frá WOW air er haft eftir Skúla Mogensen, forstjóra WOW, að sætanýting í flugi félagsins til Bandaríkjanna hafi verið yfir 90 prósent í ár.

„Það liggur því beinast við að bæta við Los Angeles og San Fransisco sem eru stórkostlegar borgir í Kaliforníu og styrkja enn frekar leiðarkerfi okkar. Ljóst er að það er mikil þörf og eftirspurn eftir góðu lággjaldaflugfélagi sem flýgur yfir Atlantshafið. Við höfum nú þegar lækkað verð um tugi prósenta og munum að sjálfsögðu halda því áfram. Við hlökkum til að bjóða upp á þessa tvo áfangastaði á vesturströnd Bandaríkjanna á frábærum verðum. Með þessari aukningu mun WOW air meira en tvöfalda sætaframboð sitt á næsta ári frá 900 þúsund sætum í ár í tæplega 2 milljónir sæta á næsta ári.“

Þrjár nýjar Airbus A330-300 breiðþotur verða notaðar í flug WOW air til vesturstrandar Bandaríkjanna og verða þetta stærstu þotur sem flogið hefur verið í áætlunarflugi til og frá Íslandi að því kemur fram í tilkynningu frá WOW air.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …