Samfélagsmiðlar

Ætlar ekki að láta íslenskar aðstæður hamla vexti WOW

wowair freyja

Það bendir allt til að stærð Flugstöðvar Leifs Eiríkssonar takmarki möguleika WOW air og forstjóri félagsins segist því íhuga að finna aðra heimahöfn fyrir starfsemi félagsins. Það bendir allt til að stærð Flugstöðvar Leifs Eiríkssonar takmarki möguleika WOW air og forstjóri félagsins segist því íhuga að finna aðra heimahöfn fyrir starfsemi félagsins. 
WOW air getur ekki beðið í fimm ár í viðbót eftir því að stækkun Keflavíkurflugvallar verði að veruleika og því gæti þurft að flytja hluta af starfsemi félagsins á annan flugvöll til að nýta þau tækifæri sem félagið hefur. Þetta kemur fram í nýju viðtali við Skúla Mogensen, forstjóra og eiganda WOW air, í flugritinu Air Transport World. Aðspurður um þessar þreifingar segir Skúli í svari til Túrista að allt bendi til að Keflavíkurflugvöllur nái ekki að halda í við vaxtaráform WOW air á næstu árum. „Við erum að lenda í þrengingum strax á næsta ári þegar við áætlum að fjölga farþegum okkar úr tæpum 750 þúsund í eina og hálfa milljón. Meðal annars með tilkomu nýrra áfangastaða eins og Los Angeles og San Francisco og nýjum Airbus A330 vélum.“ Árið 2017 gerir Skúli ráð fyrir að farþegar félagsins verði orðnir 2,5 milljónir og hann segist hafa verulegar áhyggjur af því að Keflavíkurflugvöllur geti tekið á móti slíkum fjölda. Bendir hann á að áætlun forsvarsmanna Isavia geri ráð fyrir að samtals fari 6,2 milljónir farþega um Flugstöð Leifs Eiríkssonar árið 2018. „Miðað við okkar stækkunar áform og annarra þá tel ég að farþegafjöldinn verði að minnsta kosti 8 miljónir strax á þarnæsta ári, svo framarlega sem Keflavíkurflugvöllur getur tekið við þeim fjölda. Áætlun Ísavia gerir hinsvegar ráð fyrir að farþegafjöldinn yrði ekki 8 milljónir ekki fyrr en 2022 eða 5 árum seinna. Því er ljóst að það er gríðarlega mikilvægt að endurskoða þau plön hið fyrsta svo að framkvæmdir geti hafist strax við að taka á móti slíkri stækkun. Ef ekki mun ferðaþjónustan og ríkið verða af tugi ef ekki hundruði miljarða á ári næstu fimm til sex árin.“

Mikil tækifæri í dag

Vöxtur WOW air hefur verið mjög hraður síðustu ár en félagið hóf áætlunarflug til Bandaríkjanna í vor og áformar að fljúga til að minnsta kosti sex borga í N-Ameríku á næsta ári. Skúli segist finna fyrir gríðarlegum áhuga og þörf á öflugu lággjaldaflugi yfir Atlantshafið og það tækifæri ætli félagið að nýta sér. „Ísland er í dauðafæri til að nýta stöðu sína og byggja hér upp alþjóðlega flughöfn á heimsvísu. Við viljum helst af öllu halda áfram að byggja upp aðstöðu okkar á Íslandi og að Keflavíkurflugvöllur verði okkar heimavöllur. Að sama skapi er ljóst að við getum ekki látið íslenskar aðstæður hamla frekari vexti félagsins og erum að skoða það mjög alvarlega að setja upp nýja sjálfstæða starfsstöð (Hub), óháða Íslandi, til að reka samhliða starfsemi okkar hér á landi.“ Skúli bætir því við að forsvarsmenn norska lággjaldaflugfélagsins Norwegian séu „komnir á bragðið“ og séu með mjög metnaðarfull áform á sama markaði og WOW, þ.e. í lággjaldaflugi milli N-Ameríku og Evrópu. „Við verðum að halda áfram að stækka ört til að vera samkeppnisfær, til lengri tíma litið, á þeim markaði og getum því ekki beðið eftir því að Keflavíkurflugvöllur eða íslensk pólitík átti sig á tækifærinu sem blasir við.“ Aðspurður um hvaða flughafnir koma til greina sem ný heimahöfn WOW air segir Skúli að ekki sé tímabært að ræða það. 

Stóriðjuvæðingin galin tímaskekkja

Nú eru uppi áform um að reisa tvær kísilmálmverksmiðjur í Helguvík við Reykjanesbæ en Skúli gagnrýnir þær áætlanir og íhlutun ráðamanna í þeim verkefnum. „Það er óneitanlega sorglegt að horfa upp á það að á sama tíma og enn er verið að vandræðast með stækkun flugvallarins þá er ríkið og Reykjanesbær að lofa miljarða styrkjum, lægri tekjuskatti, afslætti af tryggingargjöldum og fleiri fyrirgreiðslum til stóriðjuverkefna á Suðurnesjum og annarsstaðars sem skilja ekkert eftir sig en hafa verið réttlætt með því að segja þau skapi störf. Atvinnuleysi á Suðurnesjum er komið niður í 2.2% og ljóst að það þarf að manna að minnsta kosti 1.500 störf strax á næsta ári til að halda í við stækkunina í ferðamannageiranum. Að niðurgreiða stóriðjuvæðinguna á þeim forsendum að það sé atvinnuskapandi er einfaldlega galið og algjör tímaskekkja.“

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …