Samfélagsmiðlar

Ódýrast að fljúga í byrjun hverrar viku til San Francisco og Los Angeles

los angeles joe cooke

Eftir fimm mánuði fer WOW air jómfrúarferðir sínar til San Francisco og Los Angeles. Flugið til borganna er langt og það hefur áhrif á töskugjöldin.
Í byrjun vetrar tilkynntu forsvarsmenn WOW air að félagið myndi bjóða upp á áætlunarflug til borganna San Francisco og Los Angeles frá og með næsta sumri. Til fyrrnefndu borgarinnar verður flogið fimm sinnum í viku en fjórum sinnum til Los Angeles. WOW air mun bæta þremur nýlegum Airbus 330-300 breiðþotum við flugflota sinn til að sinna þessum nýju flugleiðum.

Allir á sama farrými

Það er stórt skref fyrir hvaða flugfélag sem er að bæta tveimur stórborgum á vesturströnd Bandaríkjanna við leiðakerfi sitt og leit að hliðstæðum dæmum í íslenskri flugsögu um jafn mikla aukningu á umsvifum flugfélags á einu bretti. Forsvarsmenn WOW hafa til að mynda bent á að listaverð á nýrri Airbus A330-300 er um 32 milljarðar íslenskra króna en tvær af vélunum sem WOW air tekur í notkun hafa ekki verið notaðar af öðru flugfélagi. Þriðja þotan var áður hjá Singapore Airlines. Að sögn Svanhvítar Friðriksdóttur, upplýsingafulltrúa WOW, verður innréttingum vélanna þriggja breytt fyrir WOW air þannig að þær verði aðeins með eitt farrými og því ekki í boði að kaupa sæti á viðskipta- eða fyrsta farrými. Airbus breiðþoturnar verða stærstu þotur sem notaðar hafa verið í áætlunarflugi til og frá Íslandi.

Ódýrast á þriðjudögum og miðvikudögum

Samkvæmt heimasíðu WOW kosta ódýrustu farmiðarnir, aðra leiðina, til Kaliforníu 19.999 krónur og við það bætist bókunargjald. Í dag eru þessi lægstu fargjöld aðeins í boði á miðvikudagsbrottförum til San Francisco í júní og svo aftur í haust. Ódýrustu ferðirnar til Los Angeles eru hins vegar á mánudögum og þriðjudögum samkvæmt athugun Túrista. Annars kostar flugleggurinn oftast á bilinu 40 til 50 þúsund krónur í sumar.

Hærri töskugjöld 

Flugið til stórborganna tveggja í Kaliforníu frá Keflavíkurflugvelli mun taka um 10 tíma. Lagt er í hann rétt fyrir fjögur seinnipartinn og lent í Bandaríkjunum skömmu fyrir sex. Á heimleiðinni er áætluð koma til Íslands rétt fyrir fimm að morgni. Líkt og í öllu öðru flugi WOW air þá borga farþegar fyrir farangur, bæði þann sem er innritaður og líka handtöskur sem eru þyngri en 5 kíló. Hingað til hefur töskugjald WOW verið 3.999 krónur fyrir stutt flug en 4.999 krónur fyrir þau lengri, til að mynda til Boston og Washington. Þeir sem fljúga hins vegar með WOW til Kaliforníu verða að greiða 6.999 krónur fyrir að innritaðan farangur, aðra leið og 4.999 krónur ef þeir vilja ferðast með þyngri handfarangur. Auk þess þarf að greiða fyrir val á sætum og allar veitingar um borð.
VILTU FÁ TÚRISTAGREINAR OG FERÐATILBOÐ Í PÓSTHÓLFIÐ ÞITT? – SMELLTU HÉR TIL AÐ GERA VERÐSAMANBURÐ Á GISTINGU Í PARÍS

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …