Samfélagsmiðlar

Á netinu alla leið

Farþegar Icelandair þurfa ekki lengur að bíða eftir að því að þotan sé komin hátt á loft til að geta tengst þráðlausu neti. Farþegar Icelandair þurfa ekki lengur að bíða eftir að því að þotan sé komin hátt á loft til að geta tengst þráðlausu neti. 
Síðustu ár og misseri hafa flugfélög keppst við að netvæða flugflota sína því samband okkar við netið er orðið svo náið að við viljum líka geta tengst því í hálofunum. Vestanhafs hefur þessi þjónusta staðið til boða um árabil en þó aðeins þegar flogið er yfir fastalandinu. Þróunin hefur verið mun hægari meðal evrópskra flugfélaga og sérstaklega þegar flogið er yfir sjó. En þrátt fyrir að hluti allra flugleiða Icelandair liggi yfir hafinu þá var félagið meðal þeirra fyrstu í Evrópu til að bjóða upp á tengingu um borð en nú eru tvö ár liðin frá því að fyrstu þotur Icelandair voru netvæddar.

Greitt fyrir aðganginn á almennu farrými

Hingað til hefur þjónustan hins vegar ekki verið aðgengileg fyrr en vélarnar hafa náð 10 þúsund feta hæð og slökkt hefur verið á tengingunni fyrir lendingu. Núna geta farþegar Icelandair hins vegar tengst þráðlausu interneti um leið og stigið er um borð og er tengingin virk allt þar til lagt er að hliði við flugstöð á áfangastað samkvæmt tilkynningu Icelandair. Þar segir jafnframt að Icelandair sé fyrsta flugfélagið í Evrópu sem býður þessa lausn. „Þessi nýjung er liður í þeirri stefnu okkar að gera flugið sem ánægjulegast fyrir farþega okkar. Að fara á netið er hluti af daglegri tilveru flestra, hvort sem um er að ræða persónulega notkun eða vinnutengda, og við viljum vera í fararbroddi við að gera fólki það kleift þegar ferðast er,“ segir Helgi Már Björgvinsson, framkvæmdastjóri sölu- og markaðssviðs Icelandair, í tilkynningu.

Þráðlaust internet er í boði á öllum flugleiðum Icelandair en farþegar á almennu farrými greiða fyrir netaðganginn en þjónustan er innifalin á Saga Class.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …