Samfélagsmiðlar

Nú geturðu tekið lestina til Denver

denver flugvollur

Góðar almenningssamgöngur milli flughafna og miðborga spara ferðafólki ekki bara pening heldur líka tíma. Góðar almenningssamgöngur milli flughafna og miðborga spara ferðafólki ekki bara pening heldur líka tíma. Nú er stutt í að lestarspor nái alla leið út á flugstöðina í Denver.
Flugrúturnar í Denver og Reykjavík eiga það sameiginlegt að það tekur þær að minnsta kosti þrjú korter að komast út á flugstöð. Leigubílarnir eru fljótari en þar sem umferðin inn í bandarísku borgina er stundum þung þá getur skutlið orðið dýrt nema samið hafi verið um fast verð. 

Umhverfisvænni leið

Lestarsamgöngur eru hins vegar oftast á áætlun og síðustu ár hefur verið unnið að því að tengja flugvöllinn í Denver við lestarspor borgarinnar. Ekki eingöngu til að stytta ferðatímann heldur líka til að draga úr mengun því lestir eru mun umhverfisvænni farartæki en einkabílar.

Almenningssamgöngur alla leið

Þetta mikla verk er nú á lokametrunum og frá og með 22. apríl verður hægt að fara með lest milli flugstöðvarinnar og miðborgar Denver. Ferðalagið mun taka 37 mínútur og stoppar lestin nokkrum sinnum á leiðinni áður en hún rennur í hlað við Union Station sem er nýuppgerð lestarstöð í miðborg Denver. Frá endastöðinni má fá frítt far með MetroRide vögnunum í átt að hóteli eða halda ferðalaginu áfram með lest eða rútu. Miði í nýju flugvallarlestina kostar 9 dollara (um 1.120 kr) og eiga farþegar að geta komið farangri fyrir með auðveldum hætti inn í lestinni.
Icelandair hóf að fljúga til Denver fyrir nærri fjórum árum síðan og býður upp á beint áætlunarflug allt árið um kring. Í nágrenni við borgina eru nokkur af þekktari skíðasvæðum N-Ameríku, t.d. Vail og Aspen og boðið er upp á rútuferðir upp í fjöllinn frá flugvellinum en líka miðborg Denver. Það er því ekki nauðsynlegt að leigja bíl í Denver þó ætlunin sé að fara á skíði í næsta nágrenni.
TENGDAR GREINAR: Borg í góðum tengslum við náttúrunaBjórborgin Denver

 
Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …