Samfélagsmiðlar

Sennilega ódýrasta flugið til meginlandsins fyrir leikinn á sunnudag

flugvel john cobb

720 kílómetrum frá Stade de France í París er Friedrichshafen og þangað kostar bara 33 þúsund krónur að fljúga fyrir leik Íslendinga í París á sunnudagskvöld. 720 kílómetrum frá Stade de France í París er Friedrichshafen og þangað kostar bara 33 þúsund krónur að fljúga fyrir leik Íslendinga í París á sunnudagskvöld.
Það hefur verið bætt við aukaferðum til Parísar til að koma til móts við þann mikla áhuga sem ríkir hér á landi á ferðum á leik Íslendinga og Frakka sem fer fram í París á sunnudagskvöldið. Þrátt fyrir það kosta farmiðarnir vel á annað hundrað þúsund ef bókað er í dag og flugmiðar til nálægra borga kosta einnig töluvert. Enda er stutt í brottför og nú er líka háannatíma í ferðaþjónustunni hér á landi. Það eru því fjölmargir útlendingar fyrir löngu búnir að tryggja sér sæti í vélunum sem fljúga til og frá Íslandi næstu vikur. Hins vegar má ennþá finna ódýrt flug út um helgina með þýska flugfélaginu Germania en gallinn er sá að vél félagsins sem tekur á loft frá Keflavíkurflugvelli aðfaranótt sunnudags er á leið til Friedrichshafen. Sú borg er 720 kílómetum frá Stade de France þar sem leikurinn umtalaði fer fram.

7 tíma keyrsla á völlinn

Þota Germania lendir í Þýskalandi klukkan sex að morgni leikdags eða fimmtán tímum áður en flautað er til leiks í París. Á móti kemur hins vegar að það tekur ríflega 7 tíma að keyra ef ekkert ert stoppað á leiðinni. Lestarsamgöngur á milli eru líka í boði en þá þarf að skipta um lest að minnsta kosti þrisvar á leiðinni. Þeir sem nenna að leggja svona langt  ferðalag á sig geta vafalítið sparað sér töluvert fé. Sjá heimasíðu Germania hér.

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …