Samfélagsmiðlar

Banna bjór fyrir morgunflug

Frelsi þeirra sem vilja fá sér áfengi fyrir flugtak hefur verið skert á flugstöðinni í Bergen. 

bjor skal yutacar

Það er ekki bara farþegar í Leifsstöð sem mæta á barinn í morgunsárið enda hefð fyrir því víðar að skála áður en haldið er til útlanda. Skiptir þá engu hvort klukkan er sjö að kveldi eða morgni. Borgaryfirvöld í Bergen í Noregi vilja hins vegar draga úr morgundrykkju flugfarþega og hafa bannað vínveitingar fram til klukkan átta á morgnanna. „Þetta snýst ekki um að ég haldi að fólk drekki sig fullt á flugvellinum klukkan sex að morgni. En að fá sér fyrsta sopann svona snemma gerir það að verkum að drykkjan byrjar fyrr og ég held að margir farþegar, t.d. í leiguflugi til sólarlanda, hafi upplifað verri flugferðir vegna samblands morgundrykkju á flugstöð og sölu áfengis um borð,” segir Rebekka Ljosland, borgarfulltrúi Kristilega flokksins í borgarstjórn Bergen í viðtali við Bergens Tidende. „Hver hefur líka þörf fyrir áfengi klukkan sex að morgni?,” bætir Ljosland við en hún fer með áfengismálin í þessu næststærsta sveitarfélagi Noregs. Þar í borg er bann við sölu á áfengi fyrir klukkan átta á morgnana en sú regla hefur hins vegar ekki verið í gildi í flugstöðinni sjálfri fyrr en nú. „Það er engin ástæða til að heimila áfengi frá klukkan sex jafnvel þó fyrri borgarstjórnir hafi gert það,” segir Ljosland.

Ósáttir farþegar

Þetta nýja áfengisbann á Bergen flugvelli hefur vakið upp hörð viðbrögð meðal farþega og hefur norskum fjölmiðlum gengið illa að finna viðmælendur sem eru stuðningsmenn bannsins. Hins vegar hafa margir andstæðingar þess tjáð sig, þeir segja bannið lykta af forræðishyggju og vera óþarfa enda hafi áfengisdrykkja á flugstöðinni ekki verið vandamál.
Í innslagi Verdens Gang hér fyrir neðan er svo rætt við nokkra morgungesti á börunum í flugstöðvunum í Ósló og Bergen og eins og sjá má eru menn ívið léttari í höfuðborginni.
Þess má geta að lokum að vélar Icelandair og Norwegian sem fljúga beint milli Keflavíkurflugvallar og Bergen leggja í hann frá norskum borginni eftir klukkan átta að morgni. Farþegar á leið hingað frá vesturströnd Noregs geta því fengið sér sopa áður en haldið er út í vél.

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …