Samfélagsmiðlar

Engar takmarkanir á sölu áfengis í Flugstöð Leifs Eiríkssonar

Farþegar á flugvellinum Bergen geta ekki lengur pantað sér vín eða bjór fyrir morgunflug. Barinn á íslensku flugstöðinni opnar hins vegar um miðja nótt.

loksinsbar

Fyrr í sumar ákváðu sveitarstjórnarmenn í Bergen í Noregi að afturkalla þá undanþágu sem ríkt hefur um áfengisveitingar í flugstöðinni við Flesland. Farþegar geta því ekki lengur pantað sér áfengi á flugvallarbörunum fyrir klukkan átta líkt og á gengur og gerist á öðrum vínveitingahúsum í Bergen og nágrenni. Áður mátti opna barina á Flesland klukkan sex að morgni og hafa þessar hertu reglur hafa mælst illa fyrir hjá farþegum á næst stærsta flugvelli Norðmanna líkt og Túristi greindi frá.

Ölvun farþega ekki vandamál

Í Flugstöð Leifs Eiríkssonar eru reglur um sölu áfengis mun sveigjanlegri en í Bergen því að sögn Guðna Sigurðssonar, talsmanns Isavia, eru engar tímatakmarkanir á vínveitingum í húsinu. Guðni bætir við að ölvun hafi ekki verið vandamál á flugvellinum og undir það tekur Sig­urður Skag­fjörð Sig­urðsson, fram­kvæmda­stjóri Lag­ar­dère, sem rekur Loksins bar. Sigurður segir að engin teljanleg vandræði hafa skapast vegna drykkju í Leifstöð og séu atvikin teljandi á fingrum annarrar handar.

Lítið selst af sterku áfengi

Loksins bar opnar milli 4 og 5 á morgnana og lokar vanalega á miðnætti en suma daga er opið til klukkan eitt og helgast þessi langi opnunartími af aukinni umferð um Keflavíkurflugvöll. Sigurður segir gesti barsins helst panta bjór og léttvín en lítið seljist hins vegar af sterku áfengi. Aðspurður um hvort margir farþegar kaupi sér áfenga drykki fyrir morgunflug segir Sigurður að bjór seljist á öllum tímum en mun minna á morgnanna en meira þegar líður á daginn.
TENGDAR GREINAR: BJÓRBARINN Á KEFLAVÍKURFLUGVELLI MEÐAL ÞEIRRA BESTU

Nýtt efni

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …