Samfélagsmiðlar

Íslensku flugfélögin standa undir nær allri viðbótinni

kef icelandair wow

Icelandair og WOW air hafa fjölgað ferðum sínum verulega á milli ára. Hlutdeild þess síðarnefnda eykst hratt á kostnað þess fyrrnefnda. Icelandair og WOW air hafa fjölgað ferðum sínum verulega á milli ára. Hlutdeild þess síðarnefnda eykst hratt á kostnað þess fyrrnefnda.
Að jafnaði voru farnar 84 áætlunarferðir á dag frá Keflavíkurflugvelli í ágúst en á sama tíma í fyrra var meðaltalið 65 ferðir. Umferðin jókst í heildina um ríflega sex hundruð ferðir eða um 30 prósent á milli ára. Af þessum viðbótarferðum þá lætur nærri að rekja megi níu af hverjum tíu til aukningar í flugáætlunum Icelandair og WOW air samkvæmt talningum Túrista. Reyndar tvöfölduðu Delta og SAS Íslandsflug sitt í síðasta mánuði en umsvif þessara flugfélaga eru hins vegar mjög lítil í samanburði við íslensku félögin tvö.
Á milli ára hefur hlutdeild WOW aukist verulega og í ágúst var það svo að fimmta hver vél sem tók á loft frá Keflavíkurflugvelli var merkt WOW air. Vægi félagsins var eykst því á milli ára en lækkar hjá Icelandair eins og sjá má á kökuritinu hér fyrir neðan.
Í farþegum talið er hlutdeild íslensku félaganna, og þá sérstaklega WOW air, sennilega enn hærri því ekkert erlendu flugfélaganna notast við breiðþotur í flugi sínum til og frá Íslandi en í ár hafa bæði Icelandair og WOW air bætt þess háttar flugvélum við flota sína.

Nýtt efni

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …