Samfélagsmiðlar

Útlit fyrir gífurlega fjölgun ferðamanna í janúar

Mynd: Sigurjón Ragnar/sr-photos.com

Það er stefnir í að ferðamönnum muni fjölgi um alla vega helming í janúar.
Ef flugvélarnar sem fljúga til og frá Keflavíkurflugvelli í byrjun árs verða álíka þéttsetnar og undanfarin misseri þá stefnir í að ferðamönnum muni fjölgi um alla vega helming í janúar.  Aukningin gæti orðið töluvert meiri.
Í janúar síðastliðnum var að jafnaði boðið upp á 33 áætlunarferðir á dag frá Keflavíkurflugvelli en brottfarirnar verða helmingi fleiri næstkomandi janúar eða 49 á dag samkvæmt talningum Túrista. WOW air stendur undir ríflega helmingi þessarar viðbótar en umsvif nær allra flugfélaganna á Keflavíkurflugvelli aukast í janúar miðað við núverandi áætlanir. Til að mynda fjórfaldast Íslandsflug Wizz Air milli ára, ferðir Airberlin verða tvöfalt fleiri og eins mun Delta fljúga hingað í janúar en félagið hefur ekki áður verið með Ísland á dagskrá sinni á þeim tíma árs. Sem fyrr er Icelandair langumsvifamesta flugfélagið á Keflavíkurflugvelli og mun félagið bjóða upp á 13 prósent fleiri ferðir í janúar á næsta ári.

115 til 130 þúsund ferðamenn í janúar

Mánaðarlega birtir Túristi talningar sínar á flugumferð um Keflavíkurflugvöll og oftar en ekki fjölgar ferðamönnum hér á landi nokkru meira en sem nemur aukningu í flugi. Í síðasta mánuði var t.d. boðið upp á 42 prósent fleiri áætlunarferðir en í október í fyrra en ferðamönnum fjölgaði um 59,7% á tímabilinu samkvæmt talningu Ferðamálastofu. Suma mánuði er munurinn mun minni eða sambærilegur. Það gerðist til að mynda í janúar sl. þegar flugferðirnar voru fjórðungi fleiri og ferðamannafjöldinn jókst álíka mikið eða um 23,6 prósent. Leiguflug á vegum ferðaskrifstofa, mismunandi sætanýting og sveiflur á hlutfalli skiptifarþega skýra þennan mismun að miklu leyti. Einnig ber að hafa í huga að síðustu mánuði hafa bæði Icelandair og WOW air tekið í notkun breiðþotur sem rúma mun fleiri farþega en áður þekktist í Íslandsflugi. Því má gera ráð fyrir að fjölgun ferðamanna verði nokkru meiri en sem nemur viðbótar flugferðum. Í janúar á næsta ári má þar af leiðandi áætla að erlendum ferðamönnum fjölgi úr nærri 78 þúsund í 115 til 130 þúsund. Túristarnir verða þá álíka margir og þeir voru í maí síðastliðnum.

Næg gisting í boði

Janúar hefur hingað til verið sá mánuður þar sem ferðamenn eru fæstir hér á landi og í janúar sl. var nýting á íslenskum hótelum 49 prósent samkvæmt tölum Hagstofunnar. Um átta af hverjum tíu hótelgestum í þeim mánuði gistu hins vegar á höfuðborgarsvæðinu og þar var nýtingin 68 prósent. Miðað við ofannefnd tengsl flugsamgangna og ferðamannastraums þá stefnir í að reykvískir hótelstjórar muni taka á móti mun fleiri gestum fyrstu vikur næsta árs en þeir gerðu á sama tíma í fyrra. En hafa ber í huga að framboð á gistirými hefur aukist töluvert síðastliðið ár og ekki er útlit fyrir annað en að þeir sem ætla í dag að bóka gistingu í Reykjavík í janúar hafi úr töluverðu að moða. Til að mynda segir á vef Booking.com, eins umsvifamesta hótelbókunarfyrirtækis heims, að aðeins 29 prósent gistirýma í höfuðborginni sé uppbókað helgina 19. til 22. janúar og þar fundust laus tveggja manna herbergi á 198 gististöðum. Á vef Airbnb eru 170 gistirými laus þessa sömu helgi.
Eins og þessar tölur bera með sér er Airbnb mjög stór aðili á gistimarkaðnum á höfuðborgarsvæðinu og eins og staðan er núna þá mætti koma fyrir erlendum ferðamönnum í gistingu Airbnb úr 5 til 8 flugvélum af þeim 49 sem lenda munu á Keflavíkurflugvelli þann 19. janúar nk.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …