Samfélagsmiðlar

Keflavíkurflugvöllur hratt upp listann yfir 10 stærstu norrænu flugvellina

Íslenski flugvöllurinn úr 9. sæti í það fimmta á þremur árum. Innanlandsflug stór hluti af umferðinni á hinum flugvöllunum.

Árið 2014 fór farþegafjöldinn í Flugstöð Leifs Eiríkssonar fram úr umferðinni um flugstöðvarnar í Billund á Jótlandi og Bromma í Stokkhólmi. Þar með komst sá íslenski á lista yfir 10 fjölförnustu flugvelli Norðurlanda.
Í hittifyrra fór Keflavíkurflugvöllur á ný upp um tvö sæti þegar farþegar þar voru fleiri en í Þrándheimi og Stavanger í Noregi. Þessi öri vöxtur hélt áfram í fyrra og þriðja árið í röð var íslenska flughöfnin hástökkvari á norræna listanum og fór upp fyrir næststærstu flugvelli Svíþjóðar og Noregs, þ.e.a.s. Landvetter í Gautaborg og Flesland í Bergen. Það er hins vegar langt upp í fjórða sætið þar sem Vantaa í Helsinki situr eins og sjá má á töflunni hér fyrir neðan.

Eini með ekkert innanlandsflug

Líkt og Túristi hefur áður greint frá þá nýtur Keflavíkurflugvöllur ákveðinnar sérstöðu í flugheiminum því þaðan fljúga allar vélar til útlanda. Öfugt við það sem gerist og gengur annars staðar. Farþegar á leið í innanlandsflug eru því stór hluti af fjöldanum sem fer um hinar norrænu flugvellina. Langmest er innanlandsumferðin um Óslóarflugvöll og því næst um Arlanda í Stokkhólmi. Í næsta mánuði hefst hins vegar beint flug Flugfélag Íslands milli Akureyrar og Keflavíkurflugvallar og verður það starfrækt allt árið um kring en í fyrra voru aðeis í boði vikulegar ferðir á milli flugstöðvallanna tveggja yfir hásumarið. Þetta innanlandsflug er þó aðeins fyrir þá sem eru á leið til og frá Akureyri og útlanda og millilenda á Keflavíkurflugvelli.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …