Samfélagsmiðlar

Enginn verðmunur á bílaleigunum í Orlando, Miami eða Tampa

florida lance asper

Brátt verður flogið beint héðan til þriggja borga á Flórídaskaganum og miðað við niðurstöður verðkönnunar þá ætti verðið á bílaleigunum ekki að ráða ferð. Brátt verður flogið beint héðan til þriggja borga á Flórídaskaganum og miðað við niðurstöður verðkönnunar þá ætti verðið á bílaleigunum ekki að ráða ferð.
Það er löng hefð fyrir vetrarferðum Íslendinga til Orlandó enda hefur borgin verið hluti af leiðakerfi Icelandair um árabil. Í lok vetrar hefur WOW air svo áætlunarflug til Miami og í september fer Icelandair jómfrúarferð sína til Tampa. Þar með geta farþegar á Keflavíkurflugvelli valið á milli áætlunarferða til þriggja áfangastaða á Flórídaskaganum í stað eins. Og ætli það sé ekki óhætt að fullyrða að flestir sem leggja leið sína þangað kjósi að hafa bílaleigubíl til umráða nema ferðinni sé heitið í borgarferð til Miami. 

Samstilltar verðskrár

Þó flugtíminni til borganna þriggja sé álíka þá kosta farmiðarnir ekki það sama og það er verðmunur á gistingunni á hverjum stað fyrir sig. Hins vegar eru verðskrár bílaleiganna við flugvellina í Miami, Orlando og Tampa alveg eins samkvæmt athugun Túrista. Síðustu vikuna í apríl nk. (vika 17) þá kostar vikuleiga á millistórum bíl 21.805 kr. á öllum þremur flugvöllunum og fyrir 7 manna bíl þarf að greiða 32.776. Ef ferðinni er hins vegar heitið út í lok nóvember (vika 47) þá kostar miðlungsbíllinn 22.662 við flugstöðvarnar í Miami og Tampa en 22.931 við alþjóðaflugvöllinn í Orlando. Vikulega á sjö manna bíl kostar hins vegar 34.597 kr. á fyrrnefndu stöðunum en 34.771 kr. í Orlandó í lok nóvember. Meiri er munurinn ekki.
Í könnun Túrista var leitarvel Rentalcars notuð en með henni er hægt að bera saman kjör á þekktustu bílaleigunum á hverjum stað fyrir sig. Leitarvélin finnur líka oft mjög hagstæð kjör á bílaleigubílum samkvæmt athugunum Túrista síðustu ár. Rentalcars knýr einnig bílaleiguleitina hér á síðunni.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …