Samfélagsmiðlar

Forstjóri Icelandair Group boðar töskugjald

Nú verður innrituð taska ekki lengur hluti að grunnfargjaldi Icelandair.

kef taska 860

Hagnaður Icelandair Group á síðasta ár nam 89,1 milljónum dollara sem samsvarar rúmum 10 milljörðum króna miðað við gengi dagsins. Þetta er næst besta afkoma fyrirtækisins í 80 ára sögu þess samkvæmt tilkynningu frá félaginu nú í kvöld. Þrátt fyrir góðan gang á síðasta ári þá boðar Björgólfur Jóhannsson, forstjóri, breytingar í rektri félagsins til að takast á við þau neikvæðu teikn sem eru á lofti og tilgreind voru í afkomuviðvörun félagsins í síðustu viku. En í kjölfar hennar féll hlutabréfaverð Icelandair og hefur það farið áfram lækkandi í gær og í dag.

Ætla að ná til nýrra viðskiptavina

Harðandi samkeppni, færri bókanir og lækkandi fargjöld eru meðal þess sem stjórnendur Icelandair segja að einkenni reksturinn nú í byrjun árs og haft er eftir Björgólfi í tilkynningu kvöldsins að Icelandair muni gera breytingar á uppbyggingu fargjalda á öðrum ársfjórðungi til að mæta aukinni samkeppni. „Markmið breytinganna er að ná til nýrra viðskiptavina, auka sýnileika félagsins í leitarvélum gagnvart tilteknum markhópum og breikka tekjugrunn félagsins. Meðal annars verða kynnt ný fargjöld þar sem viðskiptavinur getur valið að sleppa þjónustuþáttum sem eru innifaldir í dag og greiða fyrir þá þjónustu sem hann velur sjálfur, svo sem farangursheimildir,“ segir í ársreikningi sem birtur var í kvöld. Þar er einnig boðað fjölbreyttara vöruframboð, hagstæðari fargjöld á viðskiptafarrými auk fleiri breytinga.

Fara troðna slóð

Þar með er ljóst að Icelandair bætist í hóp sífellt stækkandi hóp flugfélaga sem rukka farþega aukalega fyrir innritaðan farangur en líkt og kom fram í úttekt Túrista þá rukkuðu 12 af þeim 20 flugfélögum sem flugu til og frá Keflavíkurflugvelli, síðastliðið sumar, fyrir töskur.
Fljótlega kemur svo væntanlega í ljós hvort Icelandair ætli einnig að fara fram á aukagreiðslur fyrir val á sætum, óáfenga drykki, matarbakka fyrir börn, aðgang að afþreyingarkerfi og fleira sem í dag er innifalið í grunnfargjaldi félagsins.
Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …