Samfélagsmiðlar

Bestu hótelin í Reykjavík samkvæmt Tripadvisor

reykjavik Tim Wright

Á hinum vinsæla ferðavef er að finna 65 þúsund umsagnir um reykvísk hótel og tvö þeirra eru með fullt hús hjá notendum síðunnar. Á hinum vinsæla ferðavef er að finna 65 þúsund umsagnir um reykvísk hótel og tvö þeirra eru með fullt hús hjá notendum síðunnar.
Með tilkomu Tripadvisor fengu ferðamenn í hendurnar öflugt tæki til að vega og meta gististaði og því er stundum haldið fram að slæmir dómar á Tripadvisor geti gert út af við hótel. Á sama hátt eru góðar umsagnir á vefnum mikilvægar og það er ekki óalgengt eigendur þeirra gististaða sem eru með háa meðaleinkunn á Tripadvisor geri töluvert úr því á heimasíðu sinni og í öðru kynningarefni. Það er þó engin ástæða til að láta Tripadvisor stjórna ferðalaginu algjörlega og hundruð lofræður geta verið þýðingarminni en góð meðmæli frá einhverjum sem þú treystir.
Hvað sem því líður þá er ljóst að margir hótelgestir í Reykjavík skrifa um dvölina á Tripadvisor því síðustu 14 mánuði hafa bæst við 22 þúsund dómar um gististaði höfuðborgarinnar á vefinn. Umsagnirnar voru samtals 43.595 talsins í janúar í fyrra samkvæmt athugun Túrista en þær eru núna rétt rúmlega 65 þúsund. Líkt og áður eru íbúðahótel áberandi á listanum yfir þá gististaði sem skora hæst hjá notendum Tripadvisor og nýleg hótel komast líka ofarlega á blað, til að mynda Canopy hótelið sem opnaði á Hljómalindareitnum í sumar sem er í dag númer 4 á Reykjavíkurlista Tripadvisor. Aðeins tvær efstu gististaðirnir á honum er með fullt hús stiga. 

 

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …