Samfélagsmiðlar

British Airways tvöfaldar Íslandsflug sitt frá London

Kínverskir ferðamenn eru stærsti farþegahópurinn í þotum breska flugfélagsins sem munu fljúga hingað tvisvar á dag frá Heathrow á næsta ári. Þar með bjóðast ríflega 11 ferðir á dag til höfuðborgar Bretlands frá Keflavíkurflugvelli.

british airways

Haustið 2015 hóf British Airways aftur að bjóða upp á áætlunarferðir til Íslands. Þá voru á boðstólum þrjár ferðir í viku en síðastliðinn vetur var flugið starfrækt allt að daglega. Forsvarsmenn British Airways sjá hins vegar tækifæri í auknu Íslandsflugi og munu þotur British Airways því fljúga til Íslands tvisvar á dag allan næsta vetur. Brottfarirnar frá Keflavíkurflugvelli verða á dagskrá í hádeginu og aftur um kaffileytið.
Samkvæmt upplýsingum Túrista frá British Airways hafa kínverskir ferðamenn verið fjölmennasti farþegahópurinn í Íslandsflugi British Airways frá London Heathrow en einnig hefur flugið verið vinsælt meðal Breta. Íslenskir farþegar á leið til Asíu hafa líka verið duglegir að nýta sér flugið samkvæmt svari frá breska félaginu en þar segir að með því að auka umferðina til Íslands í vetur þá bæti BA sérstaklega þjónustuna við viðskiptaferðalanga en fyrir þann hóp sé mikilvægt að hafa úr fleiri ferðum að moða. Samkvæmt heimasíðu British Airways kosta ódýrustu farmiðar félagsins til London 4.640 krónur en þeir miðar eru án farangursheimildar.

79 flugferðir til London í viku

Þessi viðbót í Lundúnarflugið frá Íslandi næsta vetur er líka áhugaverð í því ljósi að í síðasta mánuði fækkaði breskum ferðamönnum á Íslandi um 28% en Bretar hafa verið næst fjölmennastir í hópi ferðamanna á Íslandi síðustu tvö ár. Þeir koma þó hingað aðallega yfir vetrarmánuðina en þá fjölgar til að mynda easyJet ferðunum til Íslands frá þeim sjö breskum flugvöllum sem félagið flýgur frá til Íslands. En eins og kom fram í frétt Túrista þá gerir flugáætlun breska lággjaldaflugfélagsins ráð fyrir nærri fimmtungs aukningu í umsvifum þess hér á landi.
Með tilkomu aukaferðar British Airways til Íslands þá verður flogið allt að 79 ferðir í viku milli Íslands og Lundúna næsta vetur eins og sjá má á töflunni hér fyrir neðan.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …