Samfélagsmiðlar

Minnsta fjölgun ferðamanna í nærri þrjú ár

Fyrstu fjóra mánuði ársins fjölgaði ferðamönnum um meira en helming en aukningin í maí var mun minni og lægri en spár gerðu ráð fyrir.

erlendir ferdamenn

Fyrstu fjóra mánuði ársins fjölgaði ferðamönnum um meira en helming en aukningin í maí var mun minni og lægri en spár gerðu ráð fyrir. Rúmlega 146 þúsund erlendir ferðamenn fóru frá landinu í maí síðastliðnum eða 22 þúsund fleiri en í maí á síðasta ári. Fjölgunin nemur 17,8 prósent milli ára samkvæmt talningum Ferðamálastofu í Flugstöð Leifs Eiríkssonar sem birtar voru í gærkvöld. Aukningin í maí var hlutfallslega mun minni en fyrstu fjóra mánuði ársins þegar ferðamönnum fjölgaði að jafnaði um 55,7 prósent. Leita þarf aftur til sumarsins 2014 til að finna mánuð þar sem fjölgun ferðamanna er álíka lítil og hún var í maí í ár.
Í ferðamannaspá Isavia var gert ráð fyrir minni vexti í komum ferðamanna í maí en mánuðina á undan en spáin gerði engu að síður ráð fyrir 14 þúsund fleiri erlendum ferðamönnum en raun varð á. Samkvæmt áætlun Isavia verður hlutfallslega fjölgun ferðamanna í sumar mun minni eða á bilinu 10 til 15 prósent.

Færri Bretar

Það vekur sérstaka athygli að í maí fækkaði breskum ferðamönnum um 28 prósent en þeir hafa verið næst fjölmennastir í hópi ferðamanna hér á landi. Framboð á flugi héðan til Bretlands hefur líka verið mjög mikið og meira en til nokkurs annars lands. Ferðamönnum frá Noregi fækkaði líka milli mánaða en sem fyrr eru bandarískir ferðamenn fjölmennastir og fjölgaði þeim um rúman þriðjung.


Í upphaflegi útgáfu var sagt að spá Isavia gerði ráð fyrir 17 til 20% aukningu ferðamanna í sumar. Þær tölur eiga hins vegar um heildarfarþegafjölda en Isavia spáir 10 til 15% vexti í komum erlendra ferðamanna.

Nýtt efni

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …