Samfélagsmiðlar

Skutbíll á verði smábíls við Leifsstöð

Verðskrár tveggja af stærstu bílaleigum landsins hafa lækkað umtalsvert síðastliðið ár.

island vegur ferdinand stohr

Verðskrár tveggja af stærstu bílaleigum landsins hafa lækkað umtalsvert síðastliðið ár. Það er mikið offramboð á bílaleigubílum og bílaleigurnar keyra niður verð. Þetta fullyrðir Garðar K. Vilhjálmsson, eigandi Bílaleigunnar Geysis, í viðtali við Morgunblaðið í dag. Hann segir að í evrum talið þá hafi verð á smábíl hjá Geysi lækkað um 10-20% frá því í fyrra.
Lækkunin hjá tveimur af stærstu bílaleigum landins er þó meiri samkvæmt niðurstöðum verðkannana Túrista á bílaleiguverði við Keflavíkurflugvöll. Í dag kostar til að mynda 113.800 krónur að leigja bíl af minnstu gerð hjá Avis við Keflavíkurflugvöll síðustu 14 dagana í júlí. Leigan hjá fyrirtækinu, fyrir sama tímabil í fyrra, var hins vegar nærri tvöfalt hærri eða 220 þúsund krónur samkvæmt athugun Túrista í lok mars á síðasta ári. Sá sem bókar bíl hjá Avis í dag fær hins vegar skutbíl á 173 þúsund krónur seinni tvær vikurnar í júlí sem er nærri fimmtíu þúsund krónum minna en smábíll kostaði í fyrra.

Miklar verðbreytingar síðustu vikur

Í evrum talið þá nemur lækkunin hjá Avis, á leiguverði á bíl af minnstu gerð, nærri fjörutíu af hundraði milli kannananna í mars í fyrra og í dag. Og þess má geta að verðskrá bílaleigunnar fyrir þetta leigutímabil hefur farið lækkandi síðustu daga því þann 7. júní sl. kostaði ódýrasti bíllinn hjá Avis 20 þúsund krónum meira en í dag.
Verðþróunin hjá Hertz við Keflavíkurflugvöll er með svipuðum hætti frá því í mars í fyrra. Þá kostaði leiga á smábíl, 17-31.júlí, 203 þúsund kr. en í verðið var komið niður í 132 þúsund í mars sl. en er í dag 125 þúsund. Reyndar var það farið niður í 112.600 kr. í könnun Túrista fyrr í þessum mánuði en hefur hækkað um tíund síðan þá. Hálfsmánaðarleiga á skutbíl hjá Hertz kostar hins vegar 199 þúsund eða 4 þúsund krónum minna en í könnun Túrista fyrir 15 mánuðum síðan.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …