Samfélagsmiðlar

20 bestu ferðamannaborgirnar

Að mati lesenda ferðatímaritsins Conde Nast Traveller eru þetta þær borgir sem skemmtilegast er heim að sækja. Frá Keflavíkuflugvelli er flogið beint til 12 af borgunum 20.

Ferðamaður á ystu nöf í París, borginni sem er númer 2 á lista lesenda Conde Nast Traveller.

Ferðapressan er uppfull af alls kyns listum og stundum kemst Ísland eða íslenskir staðir á blað. Það var þó ekki raunin í þetta skiptið þegar breska útgáfa Conde Nast Traveller bað lesendur sína um að nefna sínar uppáhalds ferðamannaborgir. En eins og sjá má á listanum þá geta farþegar á Keflavíkurflugvelli flogið beint til meirihluta borganna.

20 bestu ferðamannaborgirnar:

  1. New York – Þangað fljúga Delta, Icelandair og WOW allt árið um kring og frá og næsta sumar bætist United Airlines við.
  2. París – Icelandair og WOW og Transavia á sumrin.
  3. Róm – Ekkert flug frá Íslandi eftir að Vueling og WOW gáfu beint flug héðan til Rómar upp á bátinn.
  4. Feneyjar – Áætlunarferðir til Marco Polo flugvallar hafa aldrei verið í boði frá Keflavíkurflugvelli.
  5. Barcelona – Allt árið fara þotur Norwegian, Vueling og WOW milli Íslands og Barcelona. Á sumrin bætist Icelandair við.
  6. Amsterdam – Icelandair og WOW allt árið til Schiphol.
  7. Höfðaborg – Það tæki nærri 15 tíma að fljúga frá Keflavíkurflugvelli til Höfðaborgar í S-Afríku og ekkert flugfélag hefur lagt í svo langt ferðalag.
  8. Berlín – Airberlin og WOW hafa verið ein um flugið héðan til höfuðborgar Berlínar en nú bætist Icelandair í hópinn og á sumrin sinni Eurowings líka flugleiðinni.
  9. Sydney – Eins og gefur að skilja verður ekki flogið héðan beint til Sydney í Ástralíu
  10. Vancouver – Kanadíska borgin hefur verið hluti af sumaráætlun Icelandair síðustu ár en í fyrsta skipti í vetur fljúga þotur Icelandair þangað í hverri viku.
  11. Vínarborg – Samgöngurnar til höfuðborgar Austurríkis hafa takmarkast við næturflug á vegum FlyNiki og Austrian á sumrin.
  12. Melbourne – Ástralskir áfangastaðir munu seint bætast við leiðakerfi Keflavíkurflugvallar.
  13. Dubaí – Emirates, flugfélag heimamanna í Dubai, hefur verið í sókn á hinum Norðurlöndunum en ennþá látið Ísland vera. Og íslensku flugfélögin hafa að sama skapi ekki sett stefnuna á Dubaí.
  14. Madríd – Norwegian flýgur núna allt árið hingað frá Madríd en fær samkeppni frá Iberia Express og Icelandair á sumrin.
  15. Tókíó – Hugsanleg verður höfuðborg Japan komin á kortið hjá Icelandair eða WOW á næsta ári.
  16. Dublin – WOW flýgur til Dublin allt árið.
  17. Chicago –  Icelandair hóf að fljúga til Chicago í hittifyrra eftir 28 ára hlé og WOW bætti svo borginni við sitt leiðakerfi í ár.
  18. Lissabon – Leiguflug ferðaskrifstofanna til Lissabon hefur mælst vel fyrir en ennþá er bið eftir reglulegum ferðum héðan til borgarinnar.
  19. Los Angeles – Annars af tveimur áfangastöðum WOW í Kaliforníu.
  20. Toronto – Til fjölmennustu borgar Kanada fljúga bæði íslensku flugfélögin og Air Canada býður upp á Íslandsflug þaðan á sumrin.

Með leitarvél Momondo má gera einfaldan samanburð á flugmiðum til borganna.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …