Samfélagsmiðlar

Bjóða öðruvísi ferð á HM

Áhugi Íslendinga á leikjum íslenska liðsins í Rússlandi er mikill en skortur á áætlunarflugi þangað gerir ferðalagið flóknara en á EM í Frakklandi. Úrval-Útsýn hefur hafið sölu á vikulangri fótboltaferð til Moskvu þar sem gefst færi á að sjá þrjá leiki.

Flugfélög og ferðaskrifstofur hafa síðustu daga boðið upp á pakkaferðir í tengslum við leiki Íslands á HM í Rússlandi næsta sumar. Ferðirnar eiga það flestar sammerkt að þar er gert ráð fyrir stuttu stoppi í Rússlandi enda óhagkvæmt að láta farþegaþotu standa óhreyfða á rússneskum flugvelli. Farþegar í þessum ferðum kemst því sáralítill tími til að skoða sig um í Rússlandi.

Það verður annar háttur hafður á ferð Úrval-Útsýnar á leiki í HM í Moskvu. Flogið verður með AirBaltic frá Keflavíkurflugvelli til Riga og þaðan beint áfram til Moskvu þann 13. júní og sömu leið heim viku síðar. Farþegunum gefst því tækifæri á að sjá þrjá leiki í Moskvu á þessum tíma, þar á meðal leik Íslands og Argentínu þann 16. júní.

Luka Kostic, hjá Úrval-Útsýn, segir það óneitanlega synd að ferðast langa vegu til Rússlands til að horfa á strákanna okkar og snúa svo við beina leið heim. „Auðvitað er upplagt að nota ferðina og skoða sig aðeins um í þessu forvitnilega landi sem alla jafnan utan seilingar íslenskra ferðamanna,“ segir Luka.

Í ferð Úrval-Útsýnar verður gist á 5 stjörnu Radisson Blu hóteli í þjóðgarðinum Zavidovo fyrir utan Moskvu.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …