Samfélagsmiðlar

Enn eitt evrópskt flugfélag í þrot

60 þúsund farþegar FlyNiki eru nú strandaglópar eftir að forsvarsmenn þýska flugfélagsins Lufthansa gáfust upp á að taka austurríska lággjaldaflugfélagið yfir.

Þotur FlyNiki munu ekki leggja upp á Leifsstöð næsta sumar.

Síðustu sumur hefur austurríska flugfélagið FlyNiki boðið upp á næturflug milli Íslands og Vínarborgar en nú er ljóst að ekki verður framhald á. Rekstur félagsins stöðvaðist nefnilega í dag og nú vinna austurrísk stjórnvöld að því að finna flug fyrir þá 60 þúsund farþega sem áttu pantað sæti með FlyNiki til síns heima næstu daga. Á heimasíðu flugfélagsins segir að leitað hafi verið til fjölda flugfélaga um aðstoð og að farþegar megi gera ráð fyrir því að borga lítilsháttar gjald fyrir heimferðina. Þeir áttu bókaða farmiða með FlyNiki til og frá Íslandi næsta sumar ættu að fá kaupverðið endurgreitt frá viðkomandi greiðslukortafyrirtæki samkvæmt þeim reglum sem um þannig greiðslu gilda.

FlyNiki var systurfélag þýska flugfélagsins Airberlin sem fór á hausinn í lok október. Ætlunin var að Lufthansa samsteypan tæki FlyNiki yfir en samkeppnisyfirvöld innan ESB vildu ekki samþykkja kaupsamninginn og því drógu stjórnendur Lufthansa tilboð sitt tilbaka. Það var því sjálfgefið að stöðva rekstur FlyNiki. Þar með er ljóst að hinar takmörkuðu flugsamgöngur milli Íslands og Austurríkis munu verða ennþá minni því nú er Austrian Holidays eitt um sinna þeirri flugleið. Talsmaður þess flugfélags segir í svari til Túrista að ekki sé útlit fyrir að bætt verði í Íslandsflug Austrian Holidays á næsta ári. En í júní síðastliðnum voru farnar 11 áætlunarferðir frá Íslandi til Vínarborgar og stóð FlyNiki fyrir sex þeirra samkvæmt daglegum talningum Túrista á flugumferð til og frá landinu.

FlyNiki er þriðja stóra evrópska flugfélagið sem verður gjaldþrota nú í lok árs því auk systurfélagsins, Airberlin, þá þurftu forsvarsmenn Monarch, fimmta stærsta flugfélag Breta, að játa sig sigraða fyrir stuttu siðan. Og þó það félag hafi ekki boðið upp á ferðir til Íslands þá gætti áhrifanna af falli þess hingað til lands því eigið fé Kortaþjónustunnar nær þurrkaðist út. Ástæðan er sú að Kortaþjón­ust­an var einn af færsluhirðum breska flugfélagsins og höfðu stjórnendur þess greitt Monarch hluta af andvirði farmiðakaupa fyrir ferðir sem ennþá voru ófarnar. Þegar rekstur Monarch stöðvaðist þurfti Kortaþjónustan að endurgreiða korthöfum andvirði allra ónotaðra flugmiða og þar á meðal þá upphæð sem Monarch hafði fengið fyrirfram.

Líkt og Túristi hefur greint frá þá er innan stjórnarráðsins unnið að mati á þörfinni fyrir að koma upp neyðaráætlun sem grípa má til ef reksturs íslensks millilandaflugfélags stöðvast. Það er hins vegar Samgöngustofa sem hefur eftirlit með rekstri íslensku flugfélaganna og samkvæmt svörum frá stofnuninni þá þóttu gjaldþrot Monarch og Airberlin ekki gefa tilefni til að kalla eftir sérstökum upplýsingum úr rekstri flugfélaganna.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …