Samfélagsmiðlar

Airberlin: „Tschüss, auf Wiedersehen and bye bye“

Stjórnendur Airberlin hafa skellt í lás og þotur félagsins komnar í heimahöfn, nema sú sem Isavia kyrrsetti fyrir 10 dögum síðan.

Í sumarlok óskuðu forsvarsmenn Airberlin eftir greiðslustöðvun í von um að geta leyst úr vanda þessa næststærsta flugfélags Þýskalands. Það kom hins vegar á daginn að dagar félagsins væru taldir og á föstudaginn lagði Airberlin endanlega niður starfsemi. Þar með lýkur 38 ára sögu Airberlin en félagið hefur boðið upp á Íslandsflug frá árinu 2006 og hefur á tímabilum verið umsvifamesta erlenda flugfélagið á Keflavíkurflugvelli. Gera má ráð fyrir að félagið hafi flutt á bilinu 35 til 40 þúsund erlenda ferðamenn hingað til lands þarsíðasta sumar þegar Íslandsflug Airberlin náði hámarki. Þá voru ferðirnar að jafnaði um þrjár á dag frá samtals fimm þýskum borgum og auk þess bauð dótturfélagið flyNiki upp á ferðir hingað frá Vínarborg.

Þrátt fyrir mikil umsvif Airberlin segjast forsvarsmenn Isavia ekki sjá ástæðu til að gera breytingar á farþegaspá Keflavíkurflugvallar eftir brotthvarf þýska félagsins. Og það er skiljanlegt í ljósi þess að Icelandair hefur áætlunarflug til Berlínar eftir helgi og WOW air fjölgar vikulegum ferðum sínum þangað úr 7 í 8. Hins vegar dettur allt áætlunarflug til Dusseldorf niður í vetur. Þegar sumaráætlun næsta árs verður endanlega tilbúin kemur í ljós hvort þýsk eða íslensk flugfélög bæti við ferðum til borga eins og Munchen, Stuttgart og Hamborg og fylli þannig það skarð sem Airberlin skilur eftir sig.

Nú eru 10 dagar síðan að Isavia kyrrsetti þotu Airberlin vegna skuldar flugfélagsins sem komin var til áður en félagið fór í greiðslustöðvun. En allt frá því að stjórnendur Airberlin fóru fram á greiðslustöðvun hefur félagið þurft að staðgreiða sín gjöld á Keflavíkurflugvelli. Í tilkynningu sem þáverandi stjórnendur Airberlin sendu frá sér í kjölfar kyrrsetningarinnar segir að það sé þeirra mat að aðgerð Isavia sé ólögleg þar sem að lánadrottnar verði að gera kröfu á þrotabú félagsins vegna ógreiddra gjalda fyrir greiðslustöðvunina sem tók gildi 15. ágúst. Það bíður því væntanlega þrotabússtjóra Airberlin að semja við Isavia um lausn málsins en í lögum um loftferðir segir að heimilt sé að aftra för loftfars af flugvelli uns gjöld eru greidd eða trygging sett fyrir greiðslu. Hvort að þessi regla eigi líka við þegar um er að ræða flugfélag í greiðslustöðvun kemur svo væntanlega í ljós á næstunni en almenna reglan er sú að á meðan greiðslu­stöðvun stend­ur er skuld­ara óheim­ilt að ráðstafa eignum sínum og þar með greiða skuldir.

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …