Samfélagsmiðlar

Áætlun í bígerð ef íslensku flugfélögin lenda í erfiðleikum

Ferðaþjónustan er undirstöðuatvinnugrein á Íslandi en hún er mjög háð tryggum flugsamgöngum. Innan stjórnarráðsins er á byrjunarstigi vinna við að meta nauðsyn þess að vera með áætlun ef íslensku millilandaflugfélögin lenda í rekstrarvanda.

Curren Podlesny

Gera má ráð fyrir að ríflega helmingur allra þeirra útlendinga sem sækja Ísland heim fljúgi hingað með íslensku flugfélögunum.

Ísland er háðara ferðaþjónustu efnahagslega séð en flest önnur lönd og greinin hefur mun meiri áhrif á lífskjör hér á landi en annars staðar samkvæmt greiningu hagfræðideildar Landsbankans sem birt var í haust. Þar segir jafnframt að uppgangur ferðaþjónustunnar síðustu ár byggi að miklu leyti á stórauknu framboði á flugi til landsins. Þar eru Icelandair og WOW air í aðalhlutverki með þrjár af hverjum fjórum flugferðum til og frá Keflavíkurflugvelli samkvæmt talningum Túrista og hvergi í Evrópu er vægi heimaflugfélaganna eins hátt samkvæmt greiningu OAG. Ekki er útlit fyrir að þetta hlutfall breytist mikið á næsta ári miðað við þær flugáætlanir sem kynntar hafa verið.

Í fyrrnefndri greiningu Landsbankans er þeirri spurningu velt upp hvort Icelandair og WOW air séu orðin kerfislega mikilvæg fyrir efnahagslegan stöðugleika á sama hátt og stærstu bankar landsins. „Verulegar truflanir á starfsemi flugfélaganna eða brottfall annars, hvað þá beggja flugfélaganna af markaðnum, myndi augljóslega hafa gríðarlegar afleiðingar fyrir ferðaþjónustu á Íslandi. Áhrifin yrðu einnig veruleg fyrir íslenskt efnahagskerfi í heild og almenning. Slíkt áfall hefði keðjuverkandi áhrif, m.a. á gengi krónunnar, eignaverð, vexti og verðbólgu,“ segir jafnframt í greiningunni. Sérfræðingar Landsbankans spyrja svo hvort útbúa þurfi viðbragðsáætlanir sem hægt er að grípa til ef flugfélögin lenda í vanda.

Þess háttar plan er ekki til í dag en samkvæmt svari samgöngu- og sveitarstjórnarráðuneytis, við fyrirspurn Túrista, þá hefur að undanförnu verið í athugun hvort nauðsynlegt er að áætlun liggi fyrir ef til erfiðleika kemur hjá íslensku millilandaflugfélögunum sem stefna myndi starfsemi þeirra í hættu. Málið er unnið í samráði við fleiri ráðuneyti og kallað hefur verið eftir upplýsingum frá Samgöngustofu. „Þetta verkefni er á byrjunarstigi og því ekki unnt að segja nánar á þessu stigi hvaða tillögur gætu verið settar fram,“ segir svari ráðuneytisins.

Í ár er gert ráð fyrir að erlendir komufarþegar á Keflavíkurflugvelli verði í heildina nærri 2,3 milljónir. Og miðað við þær tölur sem liggja fyrir um farþegafjölda Icelandair og WOW air og hlutfall mismunandi farþegahópa um borð í þotum félaganna þá má gera ráð fyrir að flugfélögin tvö flytji til landsins á bilinu 1,2 til 1,4 milljónir ferðamanna í ár. Eða ríflega helming allra þeirra erlendu ferðalanga sem leggja leið sína til Íslands.

 

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …