Samfélagsmiðlar

Ódýrt með öllum fimm flugfélögunum til London

Loftbrúin til London hefur aldrei verið eins þétt og það þarf ekki að kosta mikið að nýta sér hana.

london oxfordstraeti

Næstu vikur geta þeir sem eiga erindi til London valið á milli 10 til 13 áætlunarferða á degi hverjum frá Keflavíkurflugvelli og eru það fimm flugfélög sem skipta með sér öllum þessum brottförum. Aldrei hefur framboðið verið svona mikið á þessari flugleið og af fargjöldunum að dæma þá græða forsvarsmenn flugfélaganna ekki mikið á Lundúnarfluginu. Þannig er hægt að finna helgarferðir hjá öllum flugfélögunum fimm á innan við 20 þúsund næstu vikur og í sumum tilvikum má fljúga fyrir ennþá minna, til dæmis með því að fara með einu flugfélagi út en öðru heim. Þó ber að hafa í huga að innritaður farangur fylgir ekki ódýrustu miðunum.

Auk Icelandair og WOW air þá bjóða British Airways, easyJet og Norwegian einnig upp Íslandsflug frá London en þó frá ólíkum flugvöllum. Flestar eru ferðirnar frá Gatwick, þaðan sem öll félögin fljúga nema British Airways. Breska félagið sinnir Íslandi frá City flugvelli og Heathrow en til þess síðarnefnda hefur Icelandair flogið tvisvar á dag um langt skeið og gerir enn. Luton flugvöllur er svo sá fjórði í nágrenni við London sem hefur Íslandsflug boðstólum og það á vegum easyJet.

En það eru ekki bara ódýrt að fljúga til London á næstunni því hótelstjórar í borginni eru líka til í að veita væna afslætti. Leitin að þeim getur hins vegar verið tímafrek því úrvalið getur verið yfirþyrmandi á hótelsíðum eins og Booking.com og Hotels.com á meðan Tablet Hotels fókusar á nokkur hótel sem sjaldnast eru hluti af stórum hótelkeðjum.

 

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …