Samfélagsmiðlar

Rétt um þúsund fengu leyfi fyrsta árið

Frá og með síðustu áramótum hefur sú krafa verið gerð að allir þeir sem selja út heimagistingu til ferðamanna fái til þess leyfi. Nú í árslok eru leyfisveitingarnar orðnar 1069 talsins sem er um fimmtungur af öllum þeim gistirýmum sem bandaríska gistimiðlunin Airbnb hefur á sínum snærum á íslenska markaðnum.

Mynd: Sigurjón Ragnar/sr-photos.com

Í byrjun árs tóku í gildi nýjar reglur um skammtímaleigu á íbúðahúsnæði sem takmarka útleigu við 90 daga á ári og mega tekjurnar af starfseminni ekki fara yfir 2 milljónir yfir árið. Einnig er nú gerð sú krafa að einstaklingar sem bjóða heimagistingu skrái sig hjá sýslumanni. Þeir sem það ekki gera og halda áfram að stunda skammtímaleigu án skráningar eiga von á stjórnvaldssekt og getur upphæð hennar numið allt að einni milljón króna.

Þrátt fyrir að sektin geti orðið svona há þá er ljóst að margir leigja út án leyfis. Því nú þegar árið er nærri liðið þá hafa aðeins 1069 fengið leyfi til heimagistingar en samkvæmt Mælaborði ferðaþjónustunnar þá voru allt að 4500 íslenskir leigusalar á skrá hjá bandarísku gistimiðluninni Airbnb í ár. Gera má ráð fyrir að hluti af þessum hópi leigusala séu fyrirtæki með rekstrarleyfi sem ekki þurfa að skrá sig fyrir heimagistingu. Engu að síður er ljóst að mjög margir einstaklingar bjóða í dag gistingu í gegnum Airbnb án leyfis. Skýrt dæmi um það er sú staðreynd að skráningarnúmerin frá sýslumanni eru ekki sjáanleg í auglýsingum á íslensku húsnæði á Airbnb en samkvæmt reglum um heimagistingu ber leigusölum að birta leyfisnúmerin þar. Túristi hefur farið í gegnum tugi auglýsinga hjá Airbnb og hvergi fundið leyfisnúmer. Það ætti hins vegar að vera einfalt verk fyrir leigusala að setja þessi númer inn í auglýsingar sínar líkt og talsmaður bandaríska fyrirtækisins benti á í viðtali við Túrista í byrjun árs.

Þess ber að geta að þegar reglurnar um heimagistingu voru innleiddar í byrjun árs þá var rekstrarleyfi frá heilbrigðisnefnd forsenda fyrir skráningu hjá sýslumanni. Sú krafa var umdeild meðal annars vegna þess að afgreiðslutími vottorða frá heilbrigðisnefnd getur verið langur og kostar þau hátt í 50 þúsund krónur. Dagur B. Eggertsson, borgarstjóri, sagði að til að mynda að innleiðing nýju reglnanna hefði valdið vonbrigðum. Krafan um heilbrigðisvottorð var svo felld niður þann 1. júlí til að einfalda leyfisveitingar til heimagistingar en árlegt skráningargjald til Sýslumannsins á höfuðborgarsvæðinu, sem sér um eftlitlit með heimagistingu, er um 8 þúsund krónur.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …