Samfélagsmiðlar

Þrír koma til greina í stöðu ferðamálastjóra

Búist er við að ráðherra ferðamála skipi í stöðuna í lok næstu viku.

Þórdísar Kolbrúnar bíður nú það verk að skipa nýjan ferðamálastjóra.

Hæfnisnefndin sem lagði mat á þá tuttugu og þrjá sem sóttust eftir því að taka við embætti ferðamálastjóra hefur skilað skýrslu til Þórdísar Kolbrúnar Reykfjörð Gylfadóttur, ráðherra ferðamála. Þar eru þrír umsækjendur metnir best til þess fallnir að gegna embætti ferðamálastjóra og að öllu óbreyttu er búist við að skipað veðri í stöðuna í lok næstu viku. Þetta kemur fram í svari frá skrifstofu ferðamála, í atvinnuvega- og nýsköpunarráðuneytinu, við fyrirspurn Túrista.

Skipunartími nýs ferðamálastjóra er fimm ár og hefst hann þann 1. janúar nk. Búast má við því að verkefni nýs ferðamálastjóra muni breytast á  ráðningatímabilinu því í starfsauglýsingunni sagði að fyrirséð væri að skipan ferðamála myndi taki breytingum á næstu misserum. „Við þá vinnu og framtíðarþróun umhverfis og aðbúnaðar greinarinnar mun ferðamálastjóri gegna mikilvægu hlutverki,” sagði jafnframt í auglýsingunni. Ólöf Ýrr Atladóttir sem verið hefur ferðamálastjóri frá því í ársbyrjun 2008 sótti ekki um starfið að nýju.

Samkvæmt nýlegum úrskurði kjararáðs þá fær ferðamálastjóri 925 þúsund krónur í mánaðarlaun auk 30 eininga á mánuði fyrir yfirvinnu.

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …