Samfélagsmiðlar

Fáar ferðir til Vínar í sumar

Flugsamgöngurnar milli Íslands og Austurríkis hafa ekki verið ýkja miklar og þær munu versna í sumar. Austurríkismenn eru nokkru fámennari ferðammannahópur hér á landi en grannar þeirra í Sviss.

Austurríkismaður sem horfir til Íslands hefur úr fáum beinum flugferðum að velja til landsins.

Síðustu sumur hafa FlyNiki og leiguflugfélagið Austrian Holidays boðið upp á næturflug frá Keflavíkurflugvelli til Vínarborgar. Starfsemi þess fyrrnefnda var nýverið lögð niður og eftir stendur þá Austrian Holidays en þrátt fyrir sitja eitt að flugleiðinni þá segir talsmaður fyrirtækisins, í svari við fyrirspurn Túrista , að ekki standi til að bæta í Íslandsflugið í ár. Áfram mun austurríska leiguflugfélagið því bjóða upp á þrjár ferðir í viku og fara vélarnar í loftið í kringum miðnætti. Í dag kosta ódýrustu farmiðarnir, báðar leiðir, um 50 þúsund krónur með Austrian Holidays.

Vínarborg hefur hingað til ekki verið hluti að leiðakerfi íslensku flugfélaganna og ein ástæðan fyrir því kann að vera sú að flugtíminn frá Keflavíkurflugvelli er rétt rúmlega fjórir klukkutímar. Það er í lengri kantinum fyrir íslensku flugfélögin sem nota sömu þotur í Evrópuflug og ferðir vestur um haf innan sama dags. En þó forsvarsmenn Icelandair og WOW air gefi austurrísku höfuðborginni ekki tækifæri þá gætu samgöngurnar þangað batnað fyrr en síðar því nú eru lággjaldaflugfélögin easyJet og Wizz Air að koma sér fyrir á Vínarflugvelli en bæði standa þau fyrir áætlunarferðum til Íslands frá nokkrum evrópskum flugvöllum. Vínarborg gæti því bæst við Íslandsáætlun félaganna áður en langt um líður. Þess má geta að fyrstu vikur hvers árs flýgur WOW air til Salzburg.

Flugferðirnar héðan til nágranna Austurríkismanna í Sviss eru miklu meiri. Þannig flýgur Icelandair til Zurich allt árið og til Genfar frá vori til hausts líkt og easyJet gerir. Síðarnefnda félagið býður líka upp á áætlunarflug til Basel frá febrúar og fram í lok október ár hvert. Síðastliðið sumar komu hingað rétt um 16 þúsund Svisslendingar en tæplega 10 þúsund Austurríkismenn samkvæmt talningu Ferðamálastofu. Þjóðirnar tvær eru hins vegar nánast jafn fjölmennar og því má gefa sér að íslensk ferðaþjónustu eigi töluvert inni í Austurríki en núna þegar flugferðunum mun fækka um helming þá er ekki við því að búast að túristum frá Austurríki fjölgi hér í ár.

En þó beint flug sé af skornum skammti þá er einfalt að finna flug milli Íslands og Austurríkis með millilendingu á meginlandi Evrópu eða í Bretlandi. Leitarvél Momondo er góð í að finna þess háttar kosti. Íslenskar ferðaskrifstofur bjóða líka af og til upp á pakkaferðir til Vínarborgar.

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …