Samfélagsmiðlar

Farþegafjöldinn hjá Icelandair hefur tvöfaldast á 5 árum

Í fyrra flutti Icelandair rétt rúmlega 4 milljónir farþega og hefur talan hækkað hratt síðustu ár.

icelandair 757 a

Farþegum Icelandair fjölgaði um tíund á nýliðnu ári og voru þeir samtals rétt rúmlega fjórar milljónir. Aldrei áður hafa jafn margir nýtt sér áætlunarflug félagsins en vöxtur þess hefur verið hraður síðustu ár. Í árslok 2012 fagnaði Icelandair því til að mynda sérstaklega að hafa í fyrsta skipti flogið með tvær milljónir farþega. Nú fimm árum síðar hefur fjöldinn tvöfaldast og áætlanir forsvarsmanna Icelandair gera ráð fyrir áframhaldandi vexti á þessu ári. Þá hefur félagið t.d. áætlunarflug til Dublin á Írlandi og bandarísku borganna Cleveland og Dallas. Eins er skammt síðan að félagið fór jómfrúarferð sína til Tegelflugvallar í Berlín.

Allt árið í fyrra var sætanýtingin í áætlunarflugi Icelandair 82,5% sem er örlítil bæting frá árinu 2016 samkvæmt kauphallartilkynningu. Á fyrri helmingi þessa árs tekur flugfélagið svo á móti þremur nýjum Boeing Max 8 þotum en í þeim eru sæti fyrir 160 farþega, til samanburðar rúma Boeing 757-200 þotur Icelandair 183 farþega. Það gæti því farið svo að nýju þoturnar verði þéttsettnari og sætanýting félagsins muni því hækka á þessu ári.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …