Samfélagsmiðlar

Þurfum að læra á Asíumarkaðinn og aðlaga þjónustuna að honum

Arnar Már Ólafsson, markaðsstjóri hjá Íslenskum fjallaleiðsögumönnum, er einn þeirra Íslendinga sem var á ITB ferðakaupstefnunni í vikunni. Hér ræðir hann þátttökuna og gang mála í ferðaþjónustunni.

„Bókanir líta ekki svo illa út en þetta gæti verið betra," segir Arnar Már hjá Íslenskum fjallleiðsögumönnum.

Hvernig hefur ITB ferðakaupstefnan verið í ár?
Nokkuð góð. Við vorum ekki með fullbókaða dagskrá en það rætist alltaf úr þessu. Þýski markaðurinn mest áberandi en við áttum líka fundi með fólki frá Frakklandi, Bandaríkjunum, Asíu og Skandinavíu.

Er þátttakan þess virði?
Já, hún er það. Árin eru mismunandi góð og það skiptir máli að undirbúa sig vel fyrir sýninguna og fylgja svo fundunum eftir þegar heim er komið. Það er líka hluti af þessu að hitta góða og gamla samstarfsfélaga og taka stöðuna. Það er einnig hægt að sækja sér mikinn lærdóm á ITB. Hér eru áhugaverðir fyrirlestrar, til dæmis um sölumál, áhrif ferðaþjónustunnar vítt og breytt, um offjölgun ferðamanna og ýmislegt annað.

Hvernig lítur árið út hjá ykkur í samanburði við það síðasta?
2017 fór af stað með látum og sumarið var nokkuð gott. Haustið var síðra og árið endaði alls ekki vel. Þetta ár fer frekar hægt af stað því janúar var ekkert sérstakur en febrúar nokkuð góður. Bókanir líta ekki svo illa út en þetta gæti verið betra.

Hvað veldur?
Breytt hegðun ferðamanna vegur þar þungt. Fólk bókar seinna en áður og það heyrum við líka frá samstarfsfólki okkar í Evrópiu. Gengi krónunnar skiptir líka máli. Bandaríkjamarkaður er okkur mikilvægur og dollarinn hefur veikst.

Hefur flóra ferðamanna breyst?
Kínverski og asíski markaðurinn eru vaxandi og fyrir marga í ferðageiranum eru þetta nýir markaðir. Hingað til höfum við verið að laga þjónustuna að þeim hópum sem voru stærstir en þarfir þessa nýja markaðar eru aðrar. Við þurfum að læra á hann og aðlaga þjónustuna að honum. Markaðurinn er risastór og á eftir að vaxa.

Hvernig finnst þér stjórnvöld standa sig?
Ég held að ferðaþjónustan sé að mestu sammála um það sé almennt máttleysi ríkjandi hjá stjórnvöldum varðandi greinina. Það endurspeglast í úrræðaleysi í gjaldtökumálum og endalausri umræðu og allt virðist í lausu lofti. Þetta sást til að mynda í kringum tillögurnar um hækkun virðisaukaskatts á ferðaþjónustu. Og það er líka pirringur í greininni út af nýju rútugjöldunum við Leifsstöð. Það var líka ánægja víða með að fá sérstakt ráðuneyti fyrir ferðamálin en aftur á móti vonbrigði að það hefur ekki beitt sér nægjanlega.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …