Samfélagsmiðlar

Primera Air tekur við fluginu til Birmingham

Flugsamgöngur milli Íslands og næst fjölmennustu borgar Bretlands munu aðeins liggja niðri í nokkra mánuði.

Í júní 2014 hóf breska lággjaldaflugfélagið Flybe áætlunarflug til Íslands frá Birmingham en lagði niður flugið níu mánuðum síðar. Um sama leyti fór Icelandair jómfrúarferð sína til Birmingham og tók því við keflinu frá Flybe. Eftir þrjú ár í Birmingham hafa stjórnendur Icelandair hins vegar ákveðið að láta gott heita og nýta flugflota félagsins í aðra áfangastaði. Birmingham dettur þó ekki út af leiðakerfi Keflavíkurflugvallar í langan tíma því í byrjun desember fer Primera Air sína fyrstu ferð milli Íslands og Birmingham og mun félagið bjóða upp á vikulegar brottfarir næsta vetur. Ódýrustu miðarnir kosta rétt um 10 þúsund krónur.

„Það gleður okkur að Reykjavík skuli vera fyrsti áfangastaður okkur í N-Evrópu í styttri flugferðum frá Bretlandi. Það hefur einnig táknræna merkingu fyrir flugfélag sem á rætur sínar að rekja til Íslands,“ segir Anastasija Visnakova, yfirmaður markaðsmála, í tilkynningu. En Primera Air er í eigu Andra Más Ingólfssonar.

Primera Air hefur verið stórtækt í leiguflugi um langt árabil en  mun innan skamms hefja Atlantshafsflug frá Birmingham og London Stansted til New York, Boston, Washington og Toronto. Auk þess ætlar félagið að bjóða upp á Spánarflug frá Bretlandi og sem fyrr segir bætast líka við vikulegar ferðir milli Íslands og Birmingham.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …