Samfélagsmiðlar

Sala á vetrarferðum næsta árs er komin á flug

Íslendingar eru í auknum mæli farnir að bóka ferðalög sín út í heim með meiri fyrirvara en áður. Ferðaskrifstofurnar þurfa því að vera fyrr á ferðinni með dagskrá næsta árs.

Íslendingar eru byrjarðir að bóka skíða- og sólarlandaferðir fyrir næsta vetur.

„Það er nú þegar mikil eftirspurn eftir skíðaferðum næsta veturs og þetta birtist okkur miklu fyrr en fyrir ári síðan,“ segir Jóhann Guðjónsson, hjá GB-ferðum, sem býður meðal annars upp á skíðaferðir til Whistler í Kanada, Colorado og Austurríkis. Jóhann telur að það séu aðallega þrjár ástæður fyrir þessari breyttu hegðun. „Það er mikil stemning í þjóðfélaginu fyrir skíðaferðum vegna þess að þessi vetur, sem er að líða, var mjög góður hvað varðar snjóalög. Eins hefur kaupmáttur aukist mikið milli ára hjá okkur Íslendingum og fólk er að læra að það borgar sig að bóka skíðaferðina fyrr en áður þar sem margar dagsetningar seldust upp snemma nú í vetur.“ Til að mæta þessum mikla áhuga á skíðaferðum þá ætla GB-ferðir að bjóða upp á fleiri ferðir og áfangastaði næsta vetur.

Það er ekki aðeins skíðaáhugafólkið sem er farið að leggja drög að ferðalögum næsta vetrar því pantanir á sólarferðum eru líka farnar að berast. „Sala á ferðum til Tenerife og Kanarí fram í mars á næsta ári er nú þegar hafin en við höfum ekki áður verið svona snemma á ferðinni. En það borgar sig því fólk er byrjað að bóka jólaferðirnar enda eru Íslendingar í auknum mæli farnir að tryggja sér góðar gistingar vitandi að þær fara mjög fljótt,“ segir Þórunn Reynisdóttir hjá Ferðaskrifstofu Íslands sem rekur m.a. Úrval-Útsýn. Þórunn bætir því við að almennt fari sá hópur stækkandi sem panti ferðir með góðum fyrirvara og til marks um það eru þær bókanir sem nú þegar eru komnar á ferðum næsta árs.

Eins og áður hefur komið fram þá hefur ferðagleði Íslendinga aukist hratt að undanförnu og til að mynda fóru fleiri út í fyrra en nokkur dæmi eru um. Nú um páskana má svo gera ráð fyrir að mikill fjöldi Íslendinga sé staddur á erlendri grundu því aðra páskana í röð þá eru bílastæðin við Leifsstöð full.

 

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …