Samfélagsmiðlar

Vill sjá íslenskt og kínverskt flugfélag fljúga á milli landanna

Sendiherra Kína á Íslandi telur að Ísland verði áfram vinsæll áfangastaður kínverskra ferðamanna og að beint flug frá Kína myndi ekki aðeins koma íslenskri ferðaþjónustu til góða. Íslensku flugfélögin eiga hins vegar ennþá eftir að semja við Rússa um leyfi til að fljúga yfir Rússland á leiðinni til Asíu.

Íslenskum túristum á Kínamúrnum myndi líklega fjölga verulega ef í boði væri að fljúga beint héðan til Kína.

„Við ættum að ýta undir ferðalög fólks. Vissulega er langt á milli Íslands og Kína, en núna er hægt að koma á mjög góðum samgöngum og tengja lönd okkar saman,“ segir Jin Zhijian, sendiherra Kína á Íslandi, í viðtali við Morgunblaðið í dag. Hann bendir á að millistéttin í Kína telji um 400 milljónir manna og þessi hópur sé menntaður og vilji ferðast. „Mín skoðun er sú að Ísland hefur nú þegar orðið og mun áfram vera einn af vinsælustu áfangastöðum margra ferðamanna frá Kína, sérstaklega þeirra sem yngri eru. Við þurfum því að búa okkur undir komu fleiri gesta hingað,“ bætir sendiherrann við en líkt og Túristi greindi frá í síðustu viku þá munu spár kínverskra stjórnvalda gera ráð fyrir því að fjöldi kínverskra ferðamanna ríflega þrefaldist á næstu 2 árum.

Áætlunarflug milli landanna tveggja er líklega forsendan fyrir því að koma að jafnaði 820 kínverskum ferðamönnum til Íslands á degi hverjum. Og í Morgunblaðinu er sendiherrann spurður hvort ekki sé brýnt að komu á beinu flugi milli Keflavíkur og Kína. „Það er mjög mikilvægt. Þetta er eitt af þeim atriðum sem ég hef lengi hugsað um og meðal annars talað fyrir þessum samgöngum við hina ýmsu stjórnmála- og embættismenn. Ég tel að það sé vel hægt að opna beina flugleið á milli Kína og Íslands vegna þess að það bætist sífellt í hóp þeirra sem vilja ferðast þessa leið. Aukin viðskipti á milli landanna eru einnig önnur ástæða,“ segir Zhijian.

„Ég vil sjá minnst eitt kínverskt og eitt íslenskt flugfélag fljúga á milli landanna,“ segir sendiherrann að lokum og þau ummæli eru líka áhugaverð fyrir þær sakir að kínversk stjórnvöld hafa sterk ítök í stærstu flugfélögum Kínverja. Þannig fer kínverska ríkið með meira en helmings eignarhlut í Air China, stærsta flugfélaginu í Kína, en það félag hefur áætlunarflug milli Peking og Kaupmannahafnar í ár. En kínversk flugfélög sjá greinilega tækifæri á Norðurlöndunum því í júní fer Beijing Capital Airlines jómfrúarferð sína frá Peking til Helsinki og munu þotur félagsins fljúga þrjár ferðir í viku. China Eastern Airlines mun svo fljúga fjórum sinnum í viku milli Sjanghæ og Stokkhólms frá og með sumrinu en kínverska ríkið ríflega helmingshlut í því flugfélagi.

Eins og áður hefur komið fram þá er samningur um yfirflug við rússnesk stjórnvöld forsenda fyrir því að íslensk flugfélög geti hafið áætlunarflug til Asíu. Unnið hefur verið að þess háttar samningi síðustu misseri. Og samkvæmt heimildum Túrista þá eru líkur á því að Rússar setji það sem skilyrði að íslensku flugfélögin hefji áætlunarflug til Rússlands á sama tíma og þau fá leyfi fyrir yfirfluginu til Asíu.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …