Samfélagsmiðlar

Reiknar með hækkandi nýtingu á hótelum í sumar

Í vor lækkaði herbergjanýtingin á reykvískum hótelum þónokkuð og var sambærileg við það sem þekkist í höfuðborgum Skandinavíu. Framkvæmdastjóri Íslandshótela telur að staðan í sumar verði álíka og síðustu ár.

Davíð Torfi Ólafsson, framkvæmdastjóri Íslandshótela.

Vöxturinn í íslenskri ferðaþjónustu er ekki lengur mældur tugum prósenta og í vor stóðu fleiri hótelherbergi tóm í höfuðborginni en áður. Engu að síður hefur herbergjanýtingin á reykvískum hótelum verið þónokkru hærri en í hinum norrænu höfuðborgunum. Í Reykjavík nam hún 79 prósentum fyrstu fjóra mánuði ársins en næst á eftir kemur Ósló með 65 prósent nýtingu. Hótelin eru verst nýtt í Stokkhólmi þar sem innan við sjötta hvert herbergi var að jafnaði bókað. Staðan í íslensku höfuðborginni er því mun sterkari þrátt fyrir að hótelherbergjum þar hafi fjölgað verulega síðustu ár.

„Við erum að falla inn í sama mynstur og í borgunum kringum okkur með lægri nýtingu í apríl og maí. Meðalverðið er þó áfram hærra á íslenska markaðnum,“ segir Davíð Torfi Ólafsson, framkvæmdastjóri Íslandshótela, stærsta hótelfyrirtækis landsins, aðspurður um þessa þróun mála. Hann segist gera ráð fyrir að í sumar verði hlutfall seldra hótelherbergja hér á landi aftur orðið hærra en þekkist í nágrannalöndunum enda séu horfurnar fyrir næstu mánuði álíka og á sama tíma í fyrra. „Það er örlítil hækkun á landsbyggðinni á milli ára en staðan í Reykjavík er svipuð,“ bætir hann við.

Gengishækkunin hafði mikil áhrif

Að sögn Davíðs Torfa þá fer þeim gestum fjölgandi sem ferðast á eigin vegum en hins vegar er samdráttur í komum evrópskra hópa. „ Einfalda skýringin á því er sú að gengi krónunnar hefur meiri áhrif en almennt hefur verið talið. Við erum að súpa seyðið af mikilli hækkun krónunnar síðastliðið vor sem olli því að Ísland varð of dýrt fyrir hópana sem bóka ferðalög með 9 til 12 mánaða fyrirvara. Einstaklingsmarkaðurinn nýtur góðs af því þar sem núna er meira laust en ella, til dæmis á bókunarsíðunum.“

Útlendingar sem eru að skipuleggja Íslandsferðir í dag hafa ekki aðeins fleiri valkosti þegar kemur að hótelgistingu því verðlagið gæti líka verið hagstæðara enda hefur krónan gefið aðeins eftir. Síðastliðið ár hefur krónan veikst um 12% gagnvart evru og bresku pundi og um 6% í dollurum talið.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …