Samfélagsmiðlar

Ekki alltaf pláss fyrir handfarangurinn

Í júní síðastliðnum var ekkert erlent flugfélag eins umsvifamikið á Keflavíkurflugvelli og Wizz air. Forsvarsmenn flugfélagsins vara farþegana við því að það sé engin trygging fyrir því að allur handfarangurinn komist fyrir í farþegarýminu.

Flugfreyjur Wizz air gætu þurft senda handfarangur farþega niður í töskugeymsluna vegna plássleysis.

Það má gera ráð fyrir að hundruðir Íslendinga nýti sér áætlunarferðir Wizz air í hverjum mánuði enda býður félagið upp á reglulegt flug héðan til 10 áfangastaða. Í nýliðnum júní flugu þotur þessa ungverska lággjaldaflugfélags að jafnaði fjórar ferðir á dag frá Íslandi og ekkert annað erlent flugfélag var eins stórtækt í Íslandsflugi þann mánuðinn.

Úttektir Túrista hafa sýnt að farmiðaverðið hjá Wizz air er oft mjög lágt en á móti kemur sú staðreynd að flugfélagið rukkar aukalega fyrir alla aðra þjónustu. Og þar til nýverið þurfti líka að borga fyrir handfarangur sem ekki kemst undir sætið fyrir framan farþegann. Sú gjaldheimta var lögð af í fyrra en það hefur orðið til þess að sífellt fleiri taka með sér stærri töskur um borð. Því hafa forsvarsmenn Wizz air gefið út að ekki sé hægt að tryggja að allur handfarangur fái að vera í farþegarýminu. Aðeins farþegar sem borga sérstaklega fyrir að fara fyrst um borð eru öryggir með að fá að hafa farangurinn sinn hjá sér en þess háttar kostar 10 evrur eða um 1300 krónur. Þeir sem ekki borga þetta aukagjald eiga það á hættu að töskurnar þeirra verði settar niður í farangursgeymsluna en þó án greiðslu.

Töskur sem eru minni en 40 x 30 x 18 cm og eru settar undir sætið fyrir framan farþegann fá áfram að vera í farþegarýminu.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …