Samfélagsmiðlar

Ríflega helmingur flýgur hingað með íslensku flugfélögunum

56 af hverjum 100 ferðamönnum sem koma til Íslands fljúga með Icelandair eða WOW air. Hlutfallið er þó væntanlega aðeins hærra en kemur fram í tölum flugfélaganna tveggja.

Stærsti hluti þeirra ferðamanna sem hingað koma í flugi sitja um borð í þotum Icelandair og WOW air.

„Það yrði þó klárlega mikið högg ef annað flugfélagið færi og það tæki nokkur ár að ná einhverju jafnvægi. Það gefur augaleið.” Þetta sagði Skúli Mogensen, forstjóri og eigandi WOW air, í viðtali við Túrista í vor. Þá hafði þjóðhagslegt mikilvægi flugfélagsins hans og Icelandair verið til umræðu og sérstaklega í tengslum við ferðaþjónustuna. Þessi undirstöðu atvinnugrein á nefnilega allt undir því að flugsamgöngurnar til og frá landinu séu í föstum skorðum.

Fjárhagslegur styrkleiki Icelandair og WOW air hefur hins vegar verið mikið til umræðu síðustu vikur og sérstaklega síðustu tvo daga eftir að fjárhagsupplýsingar um stöðu WOW air komust í dreifingu í tengslum við væntanlega skuldabréfaútgáfu flugfélagsins. Og í þeim gögnum kemur meðal annars fram að í fyrra hafi 36 prósent farþega félagsins verið á leið til Íslands. Hinir voru tengifarþegar eða Íslendingar. Samkvæmt því flutti WOW um hálfa milljón ferðamanna til Íslands á síðasta ári.

Hjá Icelandair var hlutfall þessa farþegahóps jafn hátt og hjá aðal samkeppnisaðilanum en fjöldinn þó meiri eða um 730 þúsund. Í heildina hafa íslensku flugfélögin tvö því flutt hingað rétt rúmlega 1,2 milljónir ferðamanna en samtals fóru 2,2 milljónir erlendra ferðamanna um Keflavíkurflugvöll í fyrra. Hlutdeild íslensku félaganna er því samtals um 56 prósent.

Vægi Icelandair og WOW air er þó líklega þónokkuð hærra því samkvæmt upplýsingum frá Icelandair þá teljast svokallaðir „stopover“ farþegar sem tengifarþegar jafnvel þó þeir hafa nokkurra daga viðdvöl á Íslandi. Ekki fékkst svar frá WOW air hvort sömu aðferðafræði er fylgt þar á bæ en ef svo er þá er ljóst að hlutdeild íslensku flugfélaganna í ferðamannastraumnum en töluvert hærra en 56 prósent. Það er því óhætt að taka undir þá fullyrðingu Skúla Mogensen að það yrði högg ef reksturs annars flugfélagsins myndi stöðvast.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …